ជំនួបសម្តែងការគួរសម និងពិភាក្សាការងារជាមួយក្រុមការងារ K-OPT របស់វិទ្យាស្ថាន AgroParisTech ទីស្ដីការក្រសួង៖នាថ្ងៃចន្ទ ទី២០ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាជាមួយក្រុមការងារ K-OPT របស់វិទ្យាស្ថាន AgroParisTech ដែលដឹកនាំដោយលោក Jean Antoine FABY នាយកនៃ វិទ្យាស្ថាន AgroParisTech ដោយមានការអញ្ជើញចូលរួមពីថ្នាក់ដឹកនាំ នៃអគ្គនាយកដ្ឋានប្រព័ន្ធចម្រោះទឹកកខ្វក់ និងមន្ត្រីជំនាញពាក់ព័ន្ធជាច្រើនរូប។ ជំនួបពិភាក្សានេះរៀបចំឡើងក្នុងគោលបំណង ដើម្បីផ្លាស់ប្ដូរយោបល់គ្នារវាងក្រសួងសាធារណការ និងដឹកជញ្ជូន ជាមួយវិទ្យាស្ថាន AgroParisTech និងទទួលស្វាគមន៍ក្រុមសិក្ខាកាម នៃកម្មវិធីអនុបណ្ឌិតប្រតិបត្តិលើកទី១០ (ទឹកសម្រាប់ទាំងអស់គ្នា)។ សូមជម្រាបជូនថា សិក្ខាកាមទាំងអស់អញ្ជើញមកពី២៤ប្រទេស រួមមាន៖ Africa, Asia and Eurasia ក្នុងនោះក៏មានសិក្ខាកាមដែលមកពីអគ្គនាយកដ្ឋានប្រព័ន្ធចម្រោះទឹកកខ្វក់ ផងដែរ៕