កិច្ចប្រជុំជីវភាពបក្សឃុំកោះធំ “ខ” ប្រចាំខែមីនា ឆ្នាំ២០២៦ ដែលផ្តោតសំខាន់លើការផ្សព្វផ្សាយរបាយការណ៍ស្តីពីសភាពការណ៍ទូទៅការងារគណបក្សប្រចាំឆ្នាំ២០២៥ និងទិសដៅការងារឆ្នាំ២០២៦ កោះធំ : នាថ្ងៃសៅរ៍ ទី២១ ខែមីនា ឆ្នាំ២០២៦ នៅស្នាក់ការគណបក្សឃុំកោះធំ“ខ” ឯកឧត្តម សឿន ប៊ុនលី អនុប្រធានក្រុមការងារគណបក្សចុះមូលដ្ឋានស្រុកកោះធំ និងជាប្រធានគណៈអចិន្រ្តៃយ៍ក្រុមការងារគណបក្សចុះមូលដ្ឋានឃុំកោះធំ“ខ” ព្រមទាំង ឯកឧត្តម ឃុន សុខា, ឯកឧត្តម កែវ ពៅ, ឯកឧត្តម អ៊ឹម សំអុល និង ឯកឧត្តម ភី សុភាត់ អនុប្រធានក្រុមការងារគណបក្សចុះមូលដ្ឋានស្រុកកោះធំ ទទួលជួយឃុំកោះធំ“ខ” បានចូលរួមក្នុងកិច្ចប្រជុំជីវភាពបក្សឃុំកោះធំ “ខ” ប្រចាំខែមីនា ឆ្នាំ២០២៦ និងទិសដៅបន្ត ដែលក្នុងនោះផ្តោតសំខាន់លើការផ្សព្វផ្សាយរបាយការណ៍ស្តីពីសភាពការណ៍ទូទៅការងារគណបក្សប្រចាំឆ្នាំ២០២៥ និងទិសដៅការងារឆ្នាំ២០២៦ កិច្ចប្រជុំនេះមានការចូលរួមពី លោកប្រធានក្រុមការងារគណបក្សចុះមូលដ្ឋានភូមិ ទាំងអស់ និងសហការី, លោក លោកស្រី ជាប្រធាន, អនុប្រធាន និងសមាជិកគណៈកម្មាធិការគណបក្សឃុំកោះធំ“ខ” និងសាខាបក្សភូមិទាំង៥ សរុបចំនួន ៧៨នាក់។ នាឱកាសនោះ ឯកឧត្តមប្រធានគណៈអចិន្រ្តៃយ៍ និងឯកឧត្តមអនុប្រធានក្រុមការងារគណបក្សចុះមូលដ្ឋានស្រុកកោះធំ ទទួលជួយឃុំកោះធំ“ខ” បានមានមតិសំណេះសំណាល និងបានផ្តល់អនុសាសន៍ឱ្យក្រុមការងារគណបក្សទាំងអស់បន្តចូលរួមក្នុងការលើកកម្ពស់សន្តិភាព, ស្ថេរភាពនយោបាយ, សណ្តាប់ធ្នាប់សាធារណៈ ដើម្បីធានាការអភិវឌ្ឍន៍សង្គម-សេដ្ឋកិច្ច ព្រមទាំងចូលរួមគាំទ្រវិធានការនានាដែលបានដាក់ចេញដោយរាជរដ្ឋាភិបាល ជាពិសេសការដោះស្រាយបញ្ហាព្រំដែនដោយសន្តិវិធី និងការដាក់ចេញវិធានការអន្តរាគមន៍របស់រាជរដ្ឋាភិបាលក្នុងការជួយសម្រាលបន្ទុកចំណាយនៃការកើនឡើងតម្លៃប្រេងឥន្ធនៈសកល ដោយសារការកើនឡើងកម្តៅភូមិសាស្រ្តនយោបាយសកល និងសង្រ្គាម។ ជាមួយគ្នានោះ ឯកឧត្តមប្រធានក៏បានក្រើនរំលឹកឱ្យក្រុមការងារទាំងអស់បន្តស្មារតីសាមគ្គីភាពផ្ទៃក្នុង, ការផ្តល់សេវាជូនប្រជាពលរដ្ឋឱ្យបានល្អប្រសើរ និងការបន្តពង្រឹងអនុវត្តគោលនយោបាយភូមិ-ឃុំ-សង្កាត់មានសុវត្ថិភាពឱ្យបានម៉ឺងម៉ាត់។ បន្ទាប់ពីចប់កិច្ចប្រជុំ ឯកឧត្តមថ្នាក់ដឹកនាំ ព្រមទាំងសមាជិក សមាជិកា បានប្រគល់អំពូលអគ្គិសនីសូឡា សរុបចំនួន ២៥ឈុត និងសម្លៀកបំពាក់ជូនប្រជាការពារឃុំកោះធំ“ខ” សរុបចំនួន ៦៤នាក់ ដើម្បីបម្រើការងារ និងប្រយោជន៍សាធារណៈក្នុងមូលដ្ឋានឃុំ និងបានចុះពិនិត្យការងារដំឡើងក្តារខៀនហ្វឺត ចំនួន ១០ឈុត ជូនសាលាបឋមសិក្សាព្រែកសំរោង ក្នុងឃុំកោះធំ“ខ” ផងដែរ។ ក្នុងអង្គពិធី ឯកឧត្តមប្រធាន និង ឯកឧត្តមថ្នាក់ដឹកនាំ ក៏បានឧបត្ថម្ភថវិកាមួយចំនួនជូនក្រុមការងារគណៈកម្មាធិការគណបក្សឃុំ និងសាខាបក្សភូមិទាំង៥ដែលបានចូលរួមសរុបចំនួន ៦១នាក់ផងដែរ៕