ខេត្តកណ្តាល:ប្រធានមន្ទីរសាធារណៈការនិងដឹកជញ្ជូនខេត្តកណ្តាលបានអំពាវនាវយ៉ាងដូ ច្នេះក្នុងយុទ្ធនាការជិះកង់ពិនិត្យផ្លូវនិងចំណីផ្លូវនៅតាមដងផ្លូវលេខ២១អAពីក្រុងតាខ្មៅរហូ តដល់ស្រុកស្អាង។ លោក ម៉ឹង យូឡេង ប្រធានមន្ទីរសាធារណការ និងដឹកជញ្ជូនខេត្តកណ្តាល បានអំពាវនាវដល់បងប្អូនប្រជាពលរដ្ឋ ដែលរស់នៅតាមដងផ្លូវជាតិ និងផ្លូវក្នុងខេត្តទាំងអស់ សូមគោរពច្បាប់ផ្លូវថ្នល់ ដោយរក្សាផ្លូវឲ្យនៅដ៏ដែល ហាមរំលោភយកដីចំណីផ្លូវធ្វើជាកម្មសិទ្ធិក្នុងការលក់ដូរ ឬសង់លំនៅដ្ឋាន ហាមលុបប្រឡាយរំដោះទឹក ហាមយកសំរាមមកទំលាក់ក្នុងប្រឡាយ និងហាមយកសំរាមដាក់មាត់លូ។ ព្រោះទង្វើទាំងអស់នេះសុទ្ធតែជាទង្វើខុសច្បាប់ លោកបានអំពាវនាវបែបនេះក្នុងឱកាសលោកបើកយុទ្ធនាការជិះកង់ត្រួតពិនិត្យស្ថានភាពផ្លូវ លូ ប្រឡាយអមសងខាងផ្លូវ ការរំលោភដីចំណីផ្លូវ និងផ្លូវសំបុកមាន់ នាព្រឹកថ្ងៃទី២៦ ខែតុលា ឆ្នាំ២០១៨។ លោកបានបន្តថា នេះគឺជាយុទ្ធនាការលើកទី៣ របស់មន្ទីរសារធារណការខេត្តកណ្តាលក្នុងការត្រួតពិនិត្យស្ថានភាពផ្លូវ លូ ប្រឡាយអមសងខាងផ្លូវ ការរំលោភដីចំណីផ្លូវ និងផ្លូវសំបុកមាន់ ដើម្បីចាត់វិធានការឲ្យបានទាន់ពេលវេលា ក្នុងការកែលម្អរហេដ្ឋារចនាសម្ព័ន្ធ ផ្លូវ ស្ពាន ដែលមាននៅក្នុងដែនសមត្ថកិច្ច នៃមន្រទីសាធារណការ និងដឹកជញ្ជូនខេត្តកណ្តាល។ លោក ម៉ឹង យូឡេង បានឱ្យដឹងទៀតថា យុទ្ធនាការជិះកង់នេះដើម្បីមើលឱ្យបានច្បា ស់ថាតើផ្លូវថ្នល់របស់យើង មានសម្បុកមាន់ មានស្នាមប្រេះ និងមើលតាមមាត់លូ តើវាយ៉ា ងម៉េច ទទួលយកបានហើយឬនៅ? នៅលើចិញ្ចើមផ្លូវ តើការដាក់តាំងលក់វត្ថុផ្សេងៗនៅលើចិញ្ចើមផ្លូវ ការដាំបង្គោលផ្សាយពានិជ្ជកម្មផ្សេងៗដែលប៉ះពាល់ដល់ផ្លូវថ្នល់ មន្ទីរសំណូ មពរឱ្យប្រជាពលរដ្ឋយកចេញ ចំពោះប្រជាពលរដ្ឋណាដែលបានលុបប្រឡាយ លុបលូ ម ន្ទីរស្នើសុំឱ្យពួកគាត់កាយចេញវិញ និងប្រជាពលរដ្ឋដែលយកចិញ្ចើមផ្លូវធ្វើជាកន្លែងលក់ដូរ មន្ទីរស្នើសុំឱ្យគាត់រើចេញ ដើម្បីធ្វើយ៉ាងណាឱ្យផ្លូវយើងបានធំ ស្រឡះ កាត់បន្ថយការគ្រោះថ្នាក់ចរាចរណ៍ដែលកើតមានជាយថាហេតុ ។ លោកបន្តថា៖ការចុះពិនិត្យផ្លូវជាតិលេខ២១A គឺចាប់ពីរង្វង់មូលលោកតាខ្មៅ រហូតដល់ស្រុកកោះធំ ព្រំប្រទល់ប្រទេសវៀតណាម ប៉ុន្តែ ពេលនេះយើង ចាប់ពីមុខផ្សារតាខ្មៅចាស់ រហូតដល់វត្តឈូងលាប ស្រុកស្អាង សិន។ លោកបានបន្តទៀតថាមិនមែនតែផ្លូវជាតិលេខ២១ និងផ្លូវជាតិលេខ២១Aតែប៉ុណ្ណោះទេ ដែលត្រូវធ្វើការត្រួតពិនិត្យ មន្ទីរបានធ្វើការត្រួតពិនិត្យ ថែទាំនិងជួសជុលជាប្រចាំ ទាំងផ្លូវជាតិ និងផ្លូវខេត្តក្នុងដែនសមត្ថកិច្ចរបស់ខ្លួន ឲ្យកាន់តែមានគុណភាព ប្រសិទ្ធភាព តាមលក្ខណៈបច្ចេកទេស និងធ្វើឲ្យការធ្វើដំណើររបស់បងប្អូនប្រជាពលរដ្ឋប្រកបដោយសុវត្តិភាព។ ជាចុងក្រោយលោកប្រធានមន្ទីរក៏បានទ ទូចសុំឱ្យប្រជាពលរដ្ឋដែលរស់នៅតាមបណ្តារដងផ្លូវនានា ត្រូវរួមគ្នាគោរពច្បាប់ មិនត្រូវរំ លោភកាន់កាប់លក់ដូរលើចំណី ឬចិញ្ចើមថ្នល់នោះទេ ព្រោះវាជាទង្វើខុសច្បាប់ ហើយវាក៏បង្កនូវគ្រោះថ្នាក់ចរាចរណ៍ផងដែរ ហើយក៏មិនត្រូវបោះសំរាប ចូល និងលុបប្រឡាយបង្ហូរទឹក និងដាក់សំរាមនៅមាត់លូរនោះទេ ព្រោះវាបណ្តាលឱ្យគោករាក់ និងស្ទះលូរ នាំឱ្យស្ទះចរន្តទឹកធ្វើឱ្យទឹកហូរមិនទាន់ ធ្វើឱ្យលិចផ្លូវ ក៏ដូចជាលំនៅដ្ឋានរបស់បងប្អូនផងដែរ៕ វណ្ណៈ