អាជ្ញាធរផ្អាកចរាចរយានយន្តលើផ្លូវជាតិលេខ៥០C ចំណុចភូមិកង្កបបណ្ដោះអាសន្ន ដោយសារទឹកជំនន់ កំណាត់ផ្លូវជាតិលេខ៥០C ចាប់ពីគ.ម០០+០០០ ដល់គ.ម១៤+២០០ ស្ថិតក្នុងភូមិកង្កប ឃុំច្រណូក ស្រុកកំពង់លែង ខេត្តកំពង់ឆ្នាំង នឹងត្រូវផ្អាកបណ្ដោះអាសន្ន ដោយសារទឹកជំនន់ពីទន្លេ។ មន្ទីរសាធារណការ និងដឹកជញ្ជូនខេត្តកំពង់ឆ្នាំង នៅថ្ងៃទី៦ ខែតុលា បញ្ជាក់ថា ការផ្អាកនេះ គឺដើម្បីធានាថា ក្រោយទឹកស្រុកផ្លូវនេះនឹងនៅមានស្ថានភាពល្អប្រសើរ សម្រាប់ការប្រើប្រាស់ និងបង្ការកុំឱ្យមានគ្រោះថ្នាក់កើតឡើងជាយថាហេតុ។