ពិធីបើកវគ្គបណ្ដុះបណ្ដាលអប់រំនយោបាយរបស់គណបក្សខេត្តជំនាន់ទី៣៧ សម្រាប់មន្រ្តីគណបក្ស ការិយាល័យ អង្គភាពជុំវិញស្រុកកោះធំ កោះធំ៖ ថ្ងៃពុធ ១០រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៧ ខែកញ្ញា ឆ្នាំ២០២៥ ឯកឧត្តម តាំង សាមឿន សមាជិកក្រុមការងារគណបក្សចុះមូលដ្ឋានខេត្តកណ្តាល តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកកោះធំ អញ្ជើញជាអធិបតីភាពក្នុង ពិធីបើកវគ្គបណ្ដុះបណ្ដាលអប់រំនយោបាយរបស់គណបក្សខេត្តជំនាន់ទី៣៧ សម្រាប់មន្រ្តីគណបក្ស ការិយាល័យ អង្គភាពជុំវិញស្រុក នៅស្នាក់ការគណបក្សស្រុក ដោយមានសមាសភាពចូលរួមពី ឯកឧត្តម លោកជំទាវ លោក លោកស្រី ក្រុមការងារគណបក្សចុះមូលដ្ឋានស្រុក គ្រូឧទ្ទេស គ្រូជំនួយគណបក្សខេត្ត គណៈកម្មាធិការគណបក្សស្រុក គណៈកម្មាធិការគណបក្សមូលដ្ឋានមន្ទីរពេទ្យតេជោកោះធំ វិ.ហស កោះធំ វិ.ប៊ុនរ៉ានីហ៊ុនសែនព្រែកតាដួង សាខាវិ.ហស កំពង់កុង សាខាបក្សបឋមសិក្សា សាខាបក្សការិយាល័យ សាខា ស២៦ ស២៧គណៈកម្មាធិការគណបក្សឃុំព្រែកថ្មី មន្ត្រីកសិកម្មឃុំ យុវជន បណ្តាញស្រ្តីឃុំ គ្រូមត្តេយ្យសហគមន៍ សកម្មជនយុវជនភូមិ បណ្តាញស្ត្រីភូមិ ប៉ុស្តិ៍រដ្ឋបាល មណ្ឌលសុខភាព កម្មករសិប្បកម្ម សរុប ១០០នាក់ ស្រី៥៦នាក់ ។ ឯកឧត្តម បានគូសបញ្ជាក់បន្ថែមថា វគ្គបណ្តុះបណ្តាលនេះ ធ្វើឡើងដើម្បីបង្កើនការយល់ដឹង តាមរយ:នៃការធ្វើជាមន្រ្តីដ៏ល្អប្រពៃរបស់គណបក្ស គឺត្រូវមានទាំងសមត្ថភាព គុណធម៌ មានអត្តចរិត សីលធម៌ល្អប្រពៃ ស្របនឹងលក្ខន្តិកៈគណបក្ស ហេតុនេះហើយទើបគណបក្សបានរៀបចំឱ្យមានវគ្គបណ្តុះបណ្តាលនេះឡើង ក្នុងន័យពង្រឹង និងបង្កើនសមត្ថភាពមន្រ្តីគណបក្ស ហើយសិក្ខាកាមដែលបានឆ្លងកាត់វគ្គអប់រំនយោបាយរបស់គណបក្ស មិនគ្រាន់តែជាកម្លាំងដ៏សកម្មក្នុងការកសាង និងការពារមាតុភូមិបច្ចុប្បន្ននេះប៉ុណ្ណោះទេ តែក៏ជាកម្លាំងបន្តវេន ដើម្បីរក្សាការពារនូវបុព្វហេតុដ៏ឧត្តុង្គឧត្តមរបស់គណបក្សនាពេលអនាគតថែមទៀត។ ថ្លែងក្នុងឱកាសនោះផងដែរ ឯកឧត្តមគណធិបតី បានពាំនាំការសួរសុខទុក្ខ និងជូនពរពីសំណាក់ ឯកឧត្តមប្រធាន ជូនចំពោះសិក្ខាកាម ក៏ដូចមន្រ្តីបុគ្គលិកបម្រើការងារបក្ស ដែលបានចូលរួមក្នុងវគ្គសិក្សានេះ អំពី ក្តីនឹករឭក និងស្រឡាញ់ដ៏ជ្រាលជ្រៅ។ ជាមួយនោះដែរ ឯកឧត្តម ក៏បានសំណូមពរឱ្យសិក្ខាកាមទាំងអស់ត្រូវគោរពពេលម៉ោងសិក្សា និងត្រងត្រាប់ស្តាប់នូវការចែករំលែកនូវបទពិសោធន៍របស់គ្រូឧទ្ទេសនាម សម្រាប់ធ្វើជាមូលដ្ឋានគ្រឹះសម្រាប់ធ្វើការផ្សព្វផ្សាយបន្ត៕