ភ្នំពេញ : លោក ស៊ុន ចាន់ថុល ទេសរដ្នមន្ដ្រីនិងជារដ្ឋមន្ដ្រីក្រសួងសាធារណការនិងដឹកជញ្ជូនបានព្រមានធ្ងន់ៗដល់មន្ដ្រីក្រោមឱវាទរបស់ខ្លួនជាពិសេសក្រុមមន្ដ្រីដែលឈរជើងតាមជញ្ជីងថ្លឹងរថយន្ដនីមួយៗតាមដងផ្លូវជាតិមួយចំនួនបើរកឃើញថា មិនបានត្រួតពិនិត្យ ថ្លឹងរថយន្ត ឲ្យបានត្រឹមត្រូវ រឺលួច សារ៉េភ្នែកជញ្ជីងយកលុយដាក់ហោប៉ៅលោកនិងមានវិធានការតាមផ្លូវច្បាប់នឹង មិនលើកលែងអោយឡើយ។បច្ចុប្បន្នមានមន្ត្រីចំនួន១៤នាក់ហើយដែលក្រសួងរកឃើញថាបានលួច លួច សារ៉េភ្នែកជញ្ជីង ។ ជុំវិញបញ្ហានេះខាងលើនេះដែរ មហាជន បានលើកឡើងថា ក្រុម មន្ដ្រីជញ្ជីងថ្លឹងនៅផ្លូវជាតិលេខ១នៅចំណុចព្រែក ឯង ក៍មានរឿងរ៉ាវ មិនប្រក្រតី ពាក់ ព័ន្ធការយកលុយពីឈ្មួញដឹកលើសទម្ងន់ ដោយរថយន្តខ្លះ ចូល ទៅកន្លែងជញ្ជីង ថ្លឹងមែនតែអត់ថ្លឹងទេ អោយតែលុយរួចជាស្រាច ។មហាជនបានសូមណូមពរឲ្យ ទេសរដ្នមន្ដ្រីនិងជារដ្ឋមន្ដ្រីក្រសួងសាធារណការនិងដឹកជញ្ជូន រីចាត់ការបែបណា? រឺមួយ គ្រាន់តែ គំរាម លេងៗ ។ ការព្រ មាន របស់លោក រដ្ឋមន្ត្រី ស៊ុន ចាន់ថុល បាន ធ្វើឡើង កាលពី ថ្ងៃអាទិត្យ ៥កើត ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែតុលា ឆ្នាំ២០១៨ បានដឹកនាំគណប្រតិភូចុះពិនិត្យស្ថានភាពការដ្ឋានជួសជុលថែទាំផ្លូវជាតិលេខ៤៨ មានប្រវែង១៥០គីឡូម៉ែត្រ ចាប់ពីផ្លូវបំបែកស្រែអំបិលទៅដល់ទីរួមខេត្តកោះកុង ដែលក្នុងនោះប្រវែង៦៣គីឡូម៉ែត្រ ត្រូវទទួលរងការខូចខាតដោយជំនន់ទឹកភ្លៀង ការដឹកលើសទម្ងន់កម្រិតកំណត់ និងកត្តាធម្មជាតិផ្សេងទៀត។ លោករដ្ឋមន្ដ្រីបានលើកឡើងថា ការបំផ្លាញផ្លូវ ដោយសារ រថយន្តដឹកលើសចំណុះ មានមន្ដ្រីចំនួន១៤នាក់ដែលត្រូវប្រឈមមុខនឹងផ្លូវច្បាប់ពាក់ព័ន្ធនឹងការឆ្កឹះសារ៉េភ្នែកជញ្ជីងថ្លឹងរថយន្ដ រួមនឹងបទល្មើសផ្សេងទៀត តែលោកមិនបានបញ្ចេញឈ្មោះនិងទីកន្លែងដែលមន្ដ្រីជញ្ជីងនៅតាមស្ថានីយថ្លឹងរថយន្តណាមួយនោះទេ តែឈ្មោះទាំង ១៤នាក់នោះត្រូវបានបានបញ្ជូនទៅតុលាការដើម្បីចាត់ការតាមនិតីវិធីច្បាប់ ហើយក្រសួងក៍ដកពួកគេចេញផងដែរ ។ ជាមួយគ្នានេះ លោក ស៊ុន ចាន់ថុល អំពាវនាវដល់មន្ដ្រីនៅតាមស្ថានីយថ្លឹងរថយន្តទាំងអស់ ត្រូវមានការប្រយ័ត្ន ដោយសារនាពេលថ្មីៗនេះ លោកឃើញព័ត៌មានចេញផ្សាយថា “អស់លោកឲ្យឡានចេញទៅឲ្យតែបានលុយ មិនបាត់ថឹ្លងទេ” បញ្ហាទាំងនេះត្រូវបញ្ចប់ជាបន្ទាន់។លោក ស៊ុន ចាន់ថុល បន្ដថា “អ្វីៗកុំថាយើងមិនដឹងហើយ កុំថាយើងខ្ញុំ មិនអនុវត្តន៍ តាមផ្លូវច្បាប់ឲ្យសោះ យើងធ្វើការពិភាក្សាគ្នាជាមួយអង្គភាពប្រឆាំងអំពើពុករលួយមួយចំនួនរួចហើយ។ ខ្ញុំសូមជម្រាបថា មន្ដ្រីជញ្ជីងខ្ញុំបានដូរម្ដងហើយ ១៤នាក់បានដកចេញជាបន្ទាន់ដោយសារមានបញ្ហាហ្នឹងហើយមន្ដ្រីជញ្ជីង១៤នាក់ សំណុំរឿងនៅតុលាការ មិនទាន់រួចខ្លួនទេអ្នកដែលឆ្កឹះជញ្ជីងបញ្ចុះទម្ងន់ ។លោករដ្ឋមន្ដ្រីក៍បានអំពាវនាវដល់ក្រុមហ៊ុនរកស៊ី ដឹកទំនិញទាំងអស់មេត្តាជួយគិតគូពីបញ្ហាខូចផ្លូវផងកុំគិតតែផលប្រយោជន៍ផ្ទាល់ខ្លួនហើយបំផ្លាញផ្លូវឲ្យខ្ទេចទុកឲ្យរដ្ឋទៅរកលុយមកធ្វើ ដោយចំណាយអស់រាប់លានដុល្លា ដូចន្នេះសូមអស់លោកជួយគិតគូទាំងអស់គ្នាដើម្បីប្រទេសជាតិយើហឲងទាំងអស់គ្នា ។ ជុំវិញការលើកឡើងរបស់ លោក រដ្ឋមន្ត្រី មហាជនបានសម្តែងការគាំទ្រ ចំពោះវិធានការ ដ៏ល្អ របស់លោក រដ្ឋមន្ត្រី ប៉ុន្តែអ្វីដែលពូកគាត់ នៅសង្ស័យនោះគឺ ស្ថានីយ៍ថ្លឹងរថយន្ដនៅតាមផ្លូវជាតិលេខ១ ត្រង់ ចំណុច ព្រែកឯង ព្រំប្រទល់រាជធានីភ្នំពេញ និងខេត្ត កណ្តាល ពុំបានអនុវត្តតាម បទបញ្ជា លោក រដ្ឋមន្ត្រីក្នុងការពិនិត្យ ថ្លឹងរថយន្ត លើសទម្ងន់ឡើយ គឺឲ្យតែលុយ គឺអាច ដឹកបន្ត ទៅមុខបាន ទោះបីជា លើសប៉ុន្មានក៏លើសចុះ ។ជាក់ស្តែងយោងតាមវិដេអូរ ឃ្លឹប មួយ បានបង្ហាញយ៉ាងច្បាស់នូវសកម្មភាពដែលមន្ដ្រីប្រចាំការនៅចំណុចនោះបានអនុវត្ត ដោយគ្រាន់តែឲ្យឡានឈប់ហើយគេបានចុះពីលើរថយន្ដដើរឆ្លងផ្លូវយកលុយទៅបងឲ្យមន្ដ្រីទាំងនោះជាការស្រេច ដោយមិនចាំបាច់ថ្លឹងឡើយ។ បើសកម្មភាពឃើញច្បាស់ក្រឡែតបែបនេះទៅហើយចាំមើលលោករដ្ឋមន្ដ្រីក្រសួងសាធារណការលោកមានវិធានការបែបណាដែរ។ មាហជននិយាយថា ប្រសិនបើ លោកទេសរដ្ឋមន្ត្រី ពុំមានវិធានការ ឲ្យបានតឹងរឹងចំពោះ បញ្ហានេះទេ ផ្លូវជាតិលេខ ១ ដែលជាជំនួយ របស់ប្រទេសជប៉ុន ដែលទើបនិងសាងសងរួច និងរងការខូចខាត ជាក់មិនខាន ដោយសារតែខ្មែរ ខ្វះការថែទាំ ពិសេសក្រសួងសាធារណះការតែម្តង ។ ជុំវិញករណីខាងលើគេហទំព័រយើងពុំអាចសុំការ ពន្យល់និងបំភ្លឺពី ប្រធានស្ថានីយ៏ ខាងលើបានទេ គេហទំព័រយើងរងចាំជានិច្ច។ សូមបញ្ជាក់ថាសម្ដេចតេជោ ហ៊ុន សែន នាយករដ្ឋមន្ដ្រីកម្ពុជាក៏ធ្លាប់បានបញ្ជាឲ្យអភិបាលរាជធានី-ខេត្ត-ក្រុង ទាំងអស់ត្រូវចាប់រថយន្តតទ្រុងនិងដឹកលើសទម្ងន់ផងដែរដើម្បីការពារផ្លូវថ្នល់របស់យើងឲ្យមានអាយុកាលយូរអង្វែង។ កាលខែកញ្ញាឆ្នាំ២០១៨ គណៈកម្មាធិការសម្របសម្រួល អចិន្ត្រៃយ៍នៃគណៈកម្មាធិការដឹកនាំ ការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានចាប់រថយន្តដឹកទំនិញលើសទម្ងន់កម្រិតកំណត់ចំនួន២២៥គ្រឿងនិងពិន័យបានថវិកាសរុបចំនួន ៥០១,៩៥០,០០០ រៀល៕