ទឹកធ្លាក់ក្បាលព្រះ សម្រស់ថ្មីនៃក្រុងសែនមនោរម្យ ខេត្តមណ្ឌលគិរី ទឹកធ្លាក់នេះ មានទីតាំងក្នុងភូមិពូត្រំ សង្កាត់រម្យនា ក្រុងសែនមនោរម្យ ចម្ងាយយ១៣គីឡូម៉ែត្រ ពីរូបសំណាកគោព្រៃដែលទេសចរទទួលបានបទពិសោធដើរព្រៃ និងអាចងូតទឹកធ្លាក់ដ៏ស្រស់ស្អាតក្រោមម្លប់ព្រៃឈើត្រជាក់ល្ហឹម។ អំឡុងរដូវវស្សា ទឹកធ្លាក់ក្បាលព្រះ មានទំហំមុខកាត់ជិត៤០ម៉ែត្រ កម្ពស់៨ ម៉ែត្រខណៈនៅរដូវប្រាំង វាបង្រួមត្រឹមតែ២០ម៉ែត្រ និងកម្ពស់ជិត១០ម៉ែត្រ។ តែយ៉ាងណាក៏ដោយសម្រស់ធម្មជាតិទឹកដ៏ស្រស់ស្អាត និងទឹកត្រជាក់ល្ហឹមក្រោមម្លប់ត្រឈឹងនៃដើមឈើដែលអាចឱ្យអ្នកទេសចរអាចចុះងូតទឹកក្រោមតំណក់ទឹកលាន់សន្ធឹក និងហែលក្នុងថ្លុកអាងទឹកធម្មជាតិ ជាពិសេសនៅរដូវបុណ្យទានធំៗ៕ ប្រភពពី៖ ក្រសួងបរិស្ថាន