សូមអបអរសាទរ និស្សិតចំនួន ៤រូប របស់វិទ្យាស្ថានតេជោសែន សាធារណការ និងដឹកជញ្ជូន ទទួលអាហារូបករណ៍សិក្សាបន្តថ្នាក់អនុបណ្ឌិត និងបន្តថ្នាក់បណ្ឌិត នៅសាធារណរដ្ឋប្រជាមានិតចិន និងសាធារណរដ្ឋកូរ៉េ ក្រោមកិច្ចសហប្រតិបត្តិការរវាងវិទ្យាស្ថានតេជោសែន សាធារណការ និងដឹកជញ្ជូន និងដៃគូគ្រឹះស្ថានអប់រំនៅក្រៅប្រទេស និស្សិតរបស់វិទ្យាស្ថានតេជោសែនសាធារណការ និងដឹកជញ្ជូន ដែលបានបញ្ចប់ការសិក្សាថ្នាក់បរិញ្ញបត្រនៅវិទ្យាស្ថានចំនួន៤រូប បានទទួលអាហារូបករណ៍សិក្សាបន្តថ្នាក់អនុបណ្ឌិត និងបន្តថ្នាក់បណ្ឌិត នៅសាធារណរដ្ឋប្រជាមានិតចិន និងសាធារណរដ្ឋកូរ៉េ។ និស្សិតចំនួន ៤ រូប ដែលទទួលបានអាហារូបករណ៍បន្តការសិក្សានៅបរទេស រួមមាន៖ ១). កញ្ញា គង់ សុខសូលីដា ទទួលបានអាហារូបករណ៍ពីរដ្ឋាភិបាលចិន (CSC Type B) ថ្នាក់បរិញ្ញាបត្រជាន់ខ្ពស់ សិក្សានៅសាកលវិទ្យាល័យ Beijing Jiaotong University ប្រទេសចិន ២). លោក ឃាន វិចិត្រ ទទួលបានអាហារូបករណ៍រដ្ឋាភិបាលចិន (CSC Type A)ថ្នាក់បរិញ្ញាបត្រជាន់ខ្ពស់ សិក្សានៅសាកលវិទ្យាល័យ University of International Business and Economics ប្រទេសចិន ៣). លោក សុវណ្ណ សុវិសិទ្ធិ ទទួលបានអាហារូបករណ៍បរិញ្ញាបត្រជាន់ខ្ពស់ សិក្សានៅសាកលវិទ្យាល័យ Gangneung-Wonju National University ប្រទេសកូរ៉េខាងត្បូង ៤). លោក ហ៊ួរ សុខហេង ទទួលអាហារូបករណ៍បរិញ្ញាបត្រជាន់ខ្ពស់ និងបណ្ឌិត(រួមគ្នា) សិក្សានៅសាកលវិទ្យាល័យ Gangneung-Wonju National University ប្រទេសកូរ៉េខាងត្បូង សូមជូនពរដល់និស្សិតទាំង ៤ រូបឱ្យទទួលបានជោគជ័យក្នុងថ្នាក់សិក្សាថ្មី និងក្លាយជាកម្លាំងដ៏សំខាន់សម្រាប់កម្ពុជានាពេលអនាគត៕