សៀមរាប)៖ កងវិស្វកម្មតេជោ ហ៊ុន សែន សៀមរាប ស្ថាបនាផ្លូវនៅក្នុងស្រុកក្រឡាញ់ប្រវែងជាង១៣គីឡូម៉ែត្របានចប់សព្វគ្រប់ទៅតាមផែនការដែលជាផ្លូវប្រកបដោយ គុណភាព ដើម្បីផ្តល់ជូនប្រជាពលរដ្ឋពលរដ្ឋមានផ្លូវល្អសម្រាប់ធ្វើដំណើរ។ ក្នុងឱកាសចុះត្រួតពិនិត្យ និងវាយតម្លៃ លើការងារស្ថាបនាផ្លូវក្រាលកៅស៊ូពីរជាន់ (DBST) ចំនួន ១ ខ្សែ ប្រវែងជាង១៣ គីឡូម៉ែត្រ ទទឹង៧ ម៉ែត្រ និងការស្ថាបនាសំណង់សិល្បការ្យផ្សេងៗ នៅឃុំស្នួល ទៅភូមិច្រនៀង ឃុំសែនសុខ ស្រុកំក្រឡាញ់ ខេត្តសៀមរាប នៅថ្ងៃទី៨ ខែសីហា ឆ្នាំ២០២៥ នេះ លោក ប៊ុន ច័ន្ទវណ្ណៈ រដ្ឋលេខាធិការ តំណាងដ៏ខ្ពង់ខ្ពង់ ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានកោតសរសើរដល់កងវិស្វកម្មតេជោ ហ៊ុន សែន សៀមរាប ដែលបានស្ថាបនាផ្លូវនៅក្នុងស្រុកក្រឡាញ់ចប់សព្វគ្រប់ទៅតាមផែនការ។ លោកលើកឡើងបន្ថែមថា ជុំវិញការស្ថាបនា ស្តារ និងថែទាំផ្លូវនៅតាមជនបទ រាជរដ្ឋាភិបាលក្រោមការដឹកនាំ ប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា បានសម្រេចនូវសមិទ្ធផលជាច្រើន ជាពិសេសការអភិវឌ្ឍន៍ផ្លូវនៅតាមជនបទ ដែលជាមូលដ្ឋានសម្រាប់រាជរដ្ឋាភិបាលបន្តវេន ដឹកនាំដោយសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដោយសម្តេចទាំងទ្វេ បានគិតគូរយ៉ាងខ្លាំងអំពីការអភិវឌ្ឍ និងការរស់នៅរបស់ប្រជាជននៅជនបទ។ លោកបន្តថា រាជរដ្ឋាភិបាលបានកំពុងលើកកម្ពស់គុណភាពនៃជីវិតរបស់ប្រជាជន និងការប្រែក្លាយតំបន់ជនបទទៅជាតំបន់រីកចម្រើន និងជឿនលឿន ស័ក្តិសមជាជនបទនៃប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ លោកមានប្រសាន៍ថា តាមរយៈនៃការអភិវឌ្ឍហេដ្ឋារចនាសម្ព័ន្ធផ្លូវជនបទ ជាពិសេសការអភិវឌ្ឍផ្លូវ ស្ពាន និងសំណង់សិល្បការ្យផ្សេងៗ ក្រសួងអភិវឌ្ឍន៍ជនបទបានយកចិត្តទុកដាក់យ៉ាងខ្លាំង ក្នុងការបង្កើតផ្លូវឱ្យមានភាពប្រទាក់ក្រឡា ដើម្បីចូលរួមចំណែកដល់ការអភិវឌ្ឍន៍ជាតិ។ លោករដ្ឋលេខាធិការ បានកោតសរសើរដល់កងវិស្វកម្មតេជោ ហ៊ុន សែន សៀមរាប ដែលបានខិតខំ ប្រែងនៅលើការងារស្ថាបនាផ្លូវ, ព្រោះផ្លូវមានសារៈសំខាន់ណាស់ មិនថាផ្លូវមួយខ្សែនេះ ឬបណ្តាញផ្លូវផ្សេងៗទៀតនោះឡើយ, ដោយ បណ្តាញផ្លូវទាំងអស់បានកំពុងផ្តល់ប្រយោជន៍ដល់ប្រជាជននៅក្នុងតាមសហគមន៍ និងសាធារណជនទូទៅ មានផ្លូវល្អ និងប្រទាក់ ក្រឡា បង្កើតជាបរិយាកាសអំណោយផល ដល់ការរស់នៅរបស់ប្រជាពលរដ្ឋនៅក្នុងសង្គម៕