ខេត្តបាត់ដំបងៈទាំងប្រជាពលរដ្ខរស់នៅក្នុងក្រុងបាត់ដំបងក៏ដូចប្រជាពលរដ្ឋដែលធ្ងើដំណើរឆ្លងកាត់ក្រុងបាត់ដំបងបានត្អូញត្អែរពីបញ្ហាបន្ទាប់ពីលេចទឹកស្ទះលូរលំបាកធ្វើដំណើរ ខណៈពេលទឹកស្រកបែរជាខូចក្លាយជាគ្រលុកធំៗលំបាកធ្វើដំណើរម្តងទៀតយ៉ាងខ្លាំង។ ពួកគាត់បានសំណូមពរស្នើរឲ្យអាជ្ញាធរក្រុង/ខេត្តពិសេសខេត្តបាត់ដំបងជួយជួសជុលកែលំអរឡើងវិញឲ្យបានស្អាត ដើម្បីជាប្រយោជន៏ដល់ការប្រើប្រាស់របស់ពួកគាត់ធ្វើដំណើរទៅមកបានស្រួលនិងទាន់ពេលវេលាផង។ សូមបញ្ជាក់ថា ក្នុងក្រុងបាត់ដំបងដែលកំពុងរងការខូចខ្លាំងលំបាកធ្វើ ដំណើរជាងគេ ស្ថិតក្នុងសង្កាត់ទួលតាឯក សង្កាត់ស្វាយប៉ោ សង្កាត់រតនៈ សង្កាត់ព្រែកព្រះស្តេចនិងសង្កាត់ចំការសំរោង ក្រុង/ខេត្តបាត់ដំបង។ ទាក់ទងនិងបញ្ហានេះលោក ផេង សុទ្ធី,អភិបាល នៃ គណៈអភិបាលក្រុងបាត់ ដំបងបានឲ្យដឹងថា ក្នុងក្រុងទាំងអស់ជាគម្រោងរបស់សាលាខេត្តនិងមន្ទីរសាធារណៈខេត្តជាអ្នកថែទាំនិងជួសជុលកែលម្អរខាងសាលាក្រុងមិនមានគម្រោងធ្វើទេ៕ លោកបន្តថា ប៉ុន្តែក្រោយពីជំនន់ទឹកភ្លៀងបានស្រកទៅវិញក្នុងក្រុងរងការ ខូចស្ទើរគ្រប់កន្លែង តែពេលនេះខាងខេត្តបានដាក់គ្រឿងចក្រជួសជុលកែលំអរកន្លែងខូចខ្លាំងៗជាបណ្តើរៗហើយទោះបីមិនបានធ្វើស្អាតល្អ១០០% ក៏បានលុបគ្រឡុកខ្លះឲ្យងាយស្រួលធ្វើដំណើរ ។ លោកបានបញ្ជាក់ថា រដ្ឋបាលខេត្តបាត់ដំបងក៏ដូចនិងដឹក ជញ្ជូនខេត្ត មានគម្រោងរួចជាស្រេចដើម្បីកែលំអរក្នុងក្រុងឲ្យបានស្អាតឡើង វិញនារដូវប្រាំងខាងមុខឆាប់ៗនេះ តែរង់ការធ្វើក្នុងក្រុងឲ្យបានរួចរាល់សិន បើលូរមិនមានទឹកលេចបង្កឲ្យខូចដដែល។ គួរបញ្ជាក់ថា ក្រុងបាត់ដំបងជាក្រុងដែលទទួលបានផ្ការំដួល៣ទងនិងជាខេត្តដែលសម្បូរណ៏ដោយភ្ញៀវទេសចរណ៏មកកំសាន្តយ៉ាងច្រើនកុះករក្នុង១ថ្ងៃៗ បើគិតក្នុង១ឆ្នាំភ្ញៀវទេសចរណ៏រាប់ម៉ឺននាក់ចូលមក៕