ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាសមាជិក ស.ស.យ.ក ថ្នាក់កណ្តាល បានអញ្ជើញចូលរួម ពិធីសម្ពោធដាក់ឲ្យប្រើប្រាស់ជាផ្លូវការវេទិកាប្រព័ន្ធផ្សព្វផ្សាយស្តីពីសុវត្ថិភាពលើដងផ្លូវកម្ពុជា រាជធានីភ្នំពេញ ៖ នាថ្ងៃទី២០ ខែកក្កដា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាសមាជិក ស.ស.យ.ក ថ្នាក់កណ្តាល បានអញ្ជើញចូលរួម ពិធីសម្ពោធដាក់ឲ្យប្រើប្រាស់ជាផ្លូវការវេទិកាប្រព័ន្ធផ្សព្វផ្សាយស្តីពីសុវត្ថិភាពលើដងផ្លូវកម្ពុជា ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា នៅពហុកីឡដ្ឋានជាតិមរតកតេជោ រៀបចំដោយ សហភាពសព័ន្ធយុវជនកម្ពុជា សហព័ន្ធកីឡាយានយន្តកម្ពុជា និង Cambodia Car Cultures។ ។ កម្មពិធីនេះទទួលបានការអញ្ជើញចូលរួមពីសំណាក់ ឯកឧត្តម លោកជំទាវ តំណាងឲ្យស្ថាប័នវិស័យឯកជន និងអ្នកផលិតមាតិកាតាមរយៈបណ្តាញសង្គម។ កម្មវិធីនេះត្រូវបានប្រារព្ធឡើងក្នុងគោលបំណង ផ្សព្វផ្សាយពីសុវត្ថិភាពដងផ្លូវកម្ពុជាជាផ្លូវការ និងបង្កើនការយល់ដឹងស្តីពីច្បាប់ចររាចរណ៍ផ្លូវគោក ទៅដល់យុវជន និងយុវនារីទាំងឡាយ ដែលប្រើប្រាស់យានយន្តគ្រប់ប្រភេទបើកបរនៅលើដងវិថី តាមរយៈប្រព័ន្ធបណ្តាញសង្គម និងសកម្មភាពសិក្ខាសាលាតាមសាលានានាឱ្យមានការយល់ដឹងបន្ថែមទៅលើការបើកបរ ការគោរពច្បាប់ចរាចរណ៍ ក៏ដូចជាការពញ្ញាក់ស្មារតី ដល់អ្នកប្រើប្រាស់ផ្លូវ ទាំងអស់ឱ្យយកចិត្តទុកដាក់ និងចូលរួមគោរពច្បាប់ចរាចរណ៍ផ្លូវគោក សំដៅចូលរួមទប់ស្កាត់ និងកាត់បន្ថយគ្រោះថ្នាក់ចរាចរណ៍ផ្លូវគោក៕