កិច្ចប្រជុំពិនិត្យពិគ្រោះយោបល់លើនីតិវិធីគតិយុត្ត ដើម្បីពន្លឿនការចូលជាភាគីនៃកិច្ចព្រមព្រៀងអង្គការសហប្រជាជាតិ ឆ្នាំ១៩៥៨ រាជធានីភ្នំពេញ៖ នាថ្ងៃទី២៤ ខែមិថុនា ឆ្នាំ២០២៥ ឯកឧត្តម ពៅ ម៉ាលី រដ្ឋលេខាធិការ នៃក្រសួងសាធារណការ និងដឹកជញ្ជូន អមដោយ ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក និងមន្ត្រីជំនាញ បានចូលរួមកិច្ចប្រជុំពិភាក្សាដើម្បីពិនិត្យលើលិខិតុបករណ៍ទៅតម្កល់នៅអគ្គលេខាធិការអង្គការសហប្រជាជាតិ ក្នុងការស្នើសុំចូលជាភាគីនៃកិច្ចព្រមព្រៀងឆ្នាំ១៩៥៨ ស្តីពីការទទួលយកបទប្បញ្ញត្តិបច្ចេកទេសឯកភាព និងលក្ខខណ្ឌសម្រាប់ការទទួលស្គាល់ទៅវិញទៅមកនូវការអនុម័តសម្រាប់បរិក្ខារ និងគ្រឿងបន្លាស់យានយន្ត ក្រោមអធិបតីភាព ឯកឧត្តម លី ច័ន្ទតុលា អនុប្រធានក្រុមប្រឹក្សាអ្នកច្បាប់។ កិច្ចប្រជុំនេះ មានការអញ្ជើញចូលរួមពីសមាជិកក្រុមប្រឹក្សាអ្នកច្បាប់ក្រុមទី២ និងក្រុមទី៣ តំណាងក្រសួងការបរទេស និងសហប្រតិបត្តិការអន្តរជាតិ និងមន្ត្រីជំនាញមកពីក្រសួងសាធារណការ និងដឹកជញ្ជូន ក្នុងគោលបំណងធានាថាគ្រប់នីតិវិធីនៃការចូលជាភាគីនៃកិច្ចព្រមព្រៀងអន្តរជាតិនេះ ត្រូវបានអនុវត្តស្របតាមរដ្ឋធម្មនុញ្ញ និងច្បាប់ជាធរមានរបស់ព្រះរាជាណាចក្រកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube