កិច្ចប្រជុំពិភាក្សាលើការងារកែសម្រួលប្រកាសអន្តរក្រសួងពាក់ព័ន្ធនឹងការប្រមូលចំណូលពីសេវាសាធារណៈ និងការផាកពិន័យ ទីស្តីការក្រសួង៖ នាថ្ងៃសុក្រ ទី២០ ខែមិថុនា ឆ្នាំ២០២៥ ឯកឧត្តម សុន សុខកេង អនុរដ្ឋលេខាធិការ និងជាអនុប្រធាននៃក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ របស់ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារកែសម្រួលប្រកាសអន្តរក្រសួងពាក់ព័ន្ធនឹងការប្រមូលចំណូលពីសេវាសាធារណៈ និងការផាកពិន័យ ដោយមានការចូលរួមពីអគ្គនាយកដ្ឋានពាក់ព័ន្ធក្រោមឱវាទក្រសួងជាច្រើនរូបផងដែរ។ កិច្ចប្រជុំនេះ រៀបចំឡើងដើម្បីរៀបចំ និងចងក្រងកម្រងសេវាសាធារណៈរបស់ក្រសួង និងបញ្ជីស្តីពីការផាកពិន័យទាំងអស់ឱ្យមានភាពសមស្របទៅតាមទម្រង់ដែលមានកំណត់ក្នុងប្រកាសលេខ ១៤៥ សហវ.ប្រក.អគហ របស់ក្រសួងសេដ្ឋកិច្ច និងហិរញ្ញវត្ថុ បន្ទាប់ពីគណៈប្រតិភូក្រសួងសាធារណការ និងដឹកជញ្ជូន បានចូលរួមកិច្ចប្រជុំដំបូង (Kick off Meeting) ជាមួយអគ្គលេខាធិការដ្ឋានគណៈកម្មាធិការដឹកនាំការកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ.) ពាក់ព័ន្ធនឹងការជំរុញការកែសម្រួលប្រកាសអន្តរក្រសួងរវាងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្ត្រីក្រសួង ឬស្ថាប័នប្រមូលចំណូលពីសេវាសាធារណៈ និងការពិន័យ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube