កិច្ចប្រជុំលើកទី ១១០ នៃគណៈកម្មាធិការសុវត្ថិភាពនាវាចរណ៍សមុទ្រ (The 110th Session of the Maritime Safety Committee) ចក្រភពអង់គ្លេស ៖ នាថ្ងៃទី១៨ ខែមិថុនា ឆ្នាំ២០២៥ ឯកឧត្តម ហេង សុធី អគ្គនាយកដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានដឹកនាំគណៈប្រតិភូចូលរួមកិច្ចប្រជុំលើកទី ១១០ នៃគណៈកម្មាធិការសុវត្ថិភាពនាវាចរណ៍សមុទ្រ (The 110th Session of the Maritime Safety Committee) ដែលបានប្រព្រឹត្តទៅនៅទីស្នាក់ការកណ្តាល នៃអង្គការនាវាចរណ៍សមុទ្រអន្តរជាតិ (IMO) ក្នុងទីក្រុងឡុងដ៍ ចក្រភពអង់គ្លេស។ សូមជម្រាបថា សម័យប្រជុំនេះ នឹងប្រព្រឹត្តទៅចាប់ពីថ្ងៃទី១៨-២៧ ខែមិថុនា ឆ្នាំ២០២៥ ដែលនឹងពិភាក្សាលើប្រធានបទសំខាន់ៗចំនួន ២១ ចំណុច រួមមានជាអាទិ៍ ៖ វិសោធនកម្មលើលិខិតុបករណ៍របស់ IMO ស្តង់ដារសម្រាប់ការផលិតនាវា ការអភិវឌ្ឍបទប្បញ្ញត្តិសុវត្ថិភាពដើម្បីគាំទ្រដល់ការកាត់បន្ថយការបំភាយឧស្ម័នផ្ទះកញ្ចក់ពីនាវា វិធានការពង្រឹងសន្តិសុខនាវាចរណ៍សមុទ្រ ការធ្វើនាវាចរណ៍ ព្រមទាំងប្រព័ន្ធទំនាក់ទំនងសម្រាប់ការរុករក និងសង្គ្រោះ៕