កិច្ចប្រជុំលើកទី៦ នៃគណៈកម្មាធិការសម្រាប់គ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿន ភ្នំពេញ-ក្រុងព្រះសីហនុ ទីស្ដីការក្រសួង៖ នាល្ងាចថ្ងៃចន្ទ ទី២ ខែមិថុនា ឆ្នាំ២០២៥ ឯកឧត្តម សួង ហេង រដ្ឋលេខាធិការ ក្រសួងសាធារណការ និងដឹកជញ្ជូន និង ឯកឧត្តម មាស សុខសេនសាន រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ សហប្រធានគណៈកម្មាធិការសម្រាប់គ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿនភ្នំពេញ-ក្រុងព្រះសីហនុ បានអញ្ជើញដឹកនាំកិច្ចប្រជុំគណៈកម្មាធិការ លើកទី៦ ដោយមានការចូលរួមពី ថ្នាក់ដឹកនាំ សមាជិកសមាជិកា គណៈកម្មការ តំណាងក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ និងមន្រ្តីជំនាញពាក់ព័ន្ធជាច្រើនរូបផ្សេងទៀត។ កិច្ចប្រជុំនេះ រៀបចំឡើងក្នុងគោលបំណង ដើម្បីជជែកពិភាក្សាដោះស្រាយ បញ្ហាប្រឈមមួយចំនួន ពិនិត្យពីស្ថានភាពការគ្រប់គ្រង ការប្រើប្រាស់ច្រកចេញ-ចូល និងការត្រៀមសម្រាប់លំហូរចរាចរណ៍លើផ្លូវល្បឿលឿន ផ្នែកសុវត្ថិភាពចរាចរណ៍ ព្រមទាំងវិធានការទប់ស្កាត់ជំនន់ទឹកភ្លៀង ការរៀបចំផ្សព្វផ្សាយវីដេអូអប់រំនានា ពីសុវត្ថិភាពនៃការបើកបរ សំដៅពង្រឹងសុវត្ថិភាពចរាចរណ៍ដល់បើកបរ ធ្វើយ៉ាងណាធានាបាននូវសុខសុវត្ថិភាពដល់បងប្អូនប្រជាពលរដ្ឋធ្វើដំណើរ ជាពិសេសងាយស្រួលដល់ការគ្រប់គ្រងប្រតិបត្តិការនៅផ្លូវល្បឿនលឿនភ្នំពេញ-ក្រុងព្រះសីហនុ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube