កិច្ចប្រជុំប្រចាំខែមីនា របស់នាយកដ្ឋានផ្លូវថ្នល់ ដើម្បីពិនិត្យតាមដាន វាយតម្លៃ លើការអនុវត្តការងារ ទីស្តីការក្រសួង៖ នាថ្ងៃពុធទី២៦ ខែមីនា ឆ្នាំ២០២៥ លោក ឈឹម ផល្លា ប្រធាននាយកដ្ឋានផ្លូវថ្នល់ បានដឹកនាំកិច្ចប្រជុំបូកសរុបលទ្ធផលការងារប្រចាំខែមីនា ឆ្នាំ២០២៥ ដោយមានវត្តមានចូលរួមពី លោក-លោកស្រីអនុប្រធាននាយកដ្ឋាន, លោក-លោកស្រីប្រធានការិយាល័យ លោក-លោកស្រីអនុប្រធានការិយាល័យ មន្ត្រីរាជការ និងមន្ត្រីកិច្ចសន្យា។ របៀបវារៈនៃកិច្ចប្រជុំគឺ ដើម្បីពិនិត្យតាមដាន វាយតម្លៃ លើការអនុវត្តការងាររបស់នាយកដ្ឋាន និងផ្តល់នូវអនុសាសន៍ជាគន្លឹះដោះស្រាយបញ្ហានានាដែលកើតមានកន្លងមក និងយោងតាមអនុសាសន៍ណែនាំ តម្រង់ទិសរបស់ថ្នាក់ដឹកនាំក្រសួង និងការរៀបចំត្រៀមអនុវត្តផែនការសកម្មភាពសម្រាប់ខែមេសា ឆ្នាំ២០២៥ ខាងមុខ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របតាមផែនការយុទ្ធសាស្ត្ររបស់ក្រសួងក៏ដូចជាផែនការសកម្មភាពរបស់នាយកដ្ឋានផ្លូវថ្នល់ ដែលបានគ្រោងអនុវត្តប្រចាំឆ្នាំ។ លោកប្រធានអង្គប្រជុំ បានណែនាំដល់មន្ត្រីរាជការទាំងក្នុងនាយកដ្ឋានត្រូវប្រកាន់ភ្ជាប់នូវក្រមសីលធម៌វិជ្ជាជីវៈមន្ត្រីរាជការ បទដ្ឋានបច្ចេកទេស និងស្តង់ដារកំណត់របស់ក្រសួង ក្នុងន័យធានាដល់ការអនុវត្តការងាររបស់នាយកដ្ឋានប្រកបដោយភាពត្រឹមត្រូវ និងឆ្លើយតាមការវិវត្តរបស់នៃបច្ចេកវិទ្យានាពេលបច្ចុប្បន្ន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube