(បាត់ដំបង)៖ នាយកដ្ឋានសាងសង់និងថែទាំប្រព័ន្ធចម្រោះទឹកកក្វក់ នៃអគ្គនាយកដ្ឋានប្រព័ន្ធចម្រោះទឹកកក្វក់ ក្រសួងសាធារណ និងដឹកជញ្ជូន បានសហការជាមួយរដ្ឋបាលខេត្តមានមន្ទីរសាធារណៈ ការខេត្តជាមន្ទីរជំនាញ បានរៀបចំធ្វើពិធីបើកការការដ្ឋានគម្រោងស្ថាបនាលូប្រអប់បណ្តោយផ្លូវក្រុងលេខ៤០៩មានមុខ កាត់២ម៉ែត្រគុណ២ម៉ែត្រប្រវែង៩០០ម៉ែត្រក្នុងក្រុងបាត់ដំបងក្រោម អធិបតីភាពលោក សុខ លូ អភិបាលខេត្តបាត់ដំបង, លោក ចៅ សុភៈ ភិបាល អគ្គនាយកដ្ឋានប្រព័ន្ធប្រព័ន្ធចម្រោះទឹកកក្វក់ ក្រសួង, លោក អ៊ុត ក្លឹង អគ្គនាយករដ្ឋាករទឹកបាត់ដំបង,លោក ព្រួញ រិទ្ធថា ប្រធានមន្ទីរសាធារណ និងដឹកជញ្ជូនខេត្ត ។ ពិធីនេះបានធ្វើឡើងនារសៀលថ្ងៃទី២៩ខែ មករាឆ្នាំ ២០២៥ ស្ថិតក្នុងភូមិអូរតាគាំ១សង្កាត់ទទួលតាឯកក្រុងបាត់ដំបង ដោយមានអញ្ជើញចូលរួមពីលោក លាង វាសនា អភិបាលក្រុងបាត់ដំបង សមាជិកក្រុមប្រឹក្សាក្រុង ប្រធានមន្ទីរពាក់ព័ន្ធនានាជុំវិញខេត្ត ក្រុមប្រឹក្សាចៅសង្កាត់នានា និងប្រជាពលរដ្ឋ២០០នាក់ចូលរួមផងដែរ ។ បន្ទប់ពីរបាយការណ៍ស្វាគមន៍របស់លោក ព្រួញ រិទ្ធថា ប្រធានមន្ទីរសាធារណ និងដឹកជញ្ជូនខេត្ត រួចមក។ លោក សុខ លូ អភិបាលខេត្តបាត់ដំបង បានថ្លែងថា ក្នុងនាមថ្នាក់ដឹកនាំមន្ត្រីរាជការ និងប្រជាពលរដ្ឋទូទាំងខេត្ត សូមសំដែងនូវការគោរព ដឹងគុណដ៏ជ្រាលជ្រៅបំផុតជូនចំពោះសម្តេចតេជោ ហ៊ុន សែន ប្រធានក្រុមឧត្តម ប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រីសម្តេចក្រឡាហោម ស ខេង ឧត្តមប្រឹក្សាផ្ទាល់ ព្រះមហាក្សត្រ ដែលបានលះបង់កម្លាំងកាយចិត្តទាំងប្រាជ្ញាស្មារតី ដើម្បីការរស់ឡើងវិញរបស់ប្រជា ជាតិកម្ពុជាពិសេសការបង្រួមបង្រួមជាតិ សន្តិភាព ស្ថិរភាពសង្គម ការស្តារ និងអភិវឌ្ឍន៍សេដ្ឋកិច្ច ជាតិកន្លងមក ហើយត្រូវបានបន្តដឹកនាំដ៏ឈ្លាសវៃប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃក្នុងអាណត្តិទី៧ នៃរដ្ឋសភា បានបន្តការពារសន្តិភាព ស្ថិរភាពសង្គមនិងអភិវឌ្ឍន៍សេដ្ឋកិច្ចជាតិបន្ថែមទៀត សំដៅដល់ការសម្រាលទុក្ខលំបាក និងការកាត់បន្ថយភាពក្រីក្រ របស់ប្រជាពលរដ្ឋកម្ពុជាតាម រយៈការផ្តល់អាទិភាពខ្ពស់ ក្នុងការគាំទ្រដល់ការងារ សាងសង់ និងការអភិវឌ្ឍ ហេដ្ឋារចនាសម្ព័ន្ធដឹកជញ្ជូន ក៏ដូចជាការសាងសង់ប្រព័ន្ធលូ ប្រឡាយរំដោះទឹកភ្លៀង និងស្ថានីយប្រព្រឹត្តកម្ម ទឹកកខ្វក់នានាក្នុងក្រុងបាត់ដំបង ក៏ដូចជាក្នុងប្រទេសកម្ពុជាទាំងមូល ដើម្បីលើកកម្ពស់សុខភាពអនាម័យ សុខុមាលភាពសាធារណៈ និងរក្សាបាននូវសោភ័ណភាពផងដែរ។ លោកបានបន្តថា បច្ចុប្បន្ននេះ និងបញ្ហាប្រឈមអំពីការរំដោះទឹកជំនន់ចេញពីក្រុង បាត់ដំបងផ្នែកខាងលិចស្ទឹងសង្កែ ដោយក្នុងរយៈពេលប៉ុន្មានឆ្នាំចុងក្រោយនេះ មានការអភិវឌ្ឍទីក្រុង សំណង់អគារលំនៅឋាន ព្រមទាំងកំណើនប្រជាជនដែលរស់នៅក្នុងក្រុងបាត់ដំបងទាំងមូល មានការកើន ឡើងយ៉ាងឆាប់រហ័ស ដែលធ្វើឱ្យមានបញ្ហាចោទឡើងពាក់ព័ន្ធជាមួយនឹងការគ្រប់គ្រងជំនន់ទឹកភ្លៀងដែលជាក្តីកង្វល់ដ៏ធំមួយ ទាមទារត្រូវយកចិត្តទុកដាក់ខ្ពស់លើការដោះស្រាយទាន់ពេលវេលា និងចំគោលដៅ ។ ទន្ទឹមនឹងនេះ ក្រុមការងារបច្ចេកទេសអគ្គនាយក នៃអគ្គនាយកដ្ឋានប្រព័ន្ធចម្លោះទឹកកខ្វក់ បានសហការ ជាមួយមន្ទីរសាធារណការ និងដឹកជញ្ជូនខេត្តចុះសិក្សាពីលទ្ធភាពក្នុងការកសាងហេដ្ឋារចនាសម្ព័ន្ធ និង ស្តារប្រព័ន្ធរំដោះទឹកចេញពីក្រុងរបស់យើង។ ជារបាយការណ៍លម្អិត យើងពិនិត្យឃើញថាការរំដោះទឹក ចេញពីក្រុងបាត់ដំបងផ្នែកខាងលិច ពឹងផ្អែកលើបណ្តាញលូមេ ដែលប្រមូលទឹកចេញពីតំបន់ផ្លូវលេខ៤ ឆ្ពោះទៅកាន់ប្រឡាយកំពង់សីមា ដោយបច្ចុបន្ននេះ មិនទាន់មានប្រព័ន្ធរំដោះទឹក ដែលមានទំហំសមស្រប ទៅតាមបរិមាណទឹកភ្លៀងដែលត្រូវរំដោះនៅឡើយ។ ដូច្នេះ គម្រោងស្ថាបនាលូប្រអប់បណ្តោយផ្លូវក្រុងលេខ៤០៩ មុខកាត់២មx២មប្រវែង ៩០០ម ស្ថិតក្នុងសង្កាត់ទួលតាឯក ក្រុងបាត់ដំបង ខេត្តបាត់ដំបង ពិតជាមានសារៈសំខាន់សម្រាប់រំដោះទឹកចេញ ពីក្រុង និងជួយសម្រួលដល់ជីវភាពប្រចាំថ្ងៃរបស់បងប្អូនប្រជាពលរដ្ឋក្នុងតំបន់ ព្រោះថាបើតំបន់យើងរស់ នៅប្រចាំថ្ងៃជន់លិច ធ្វើឱ្យយើងពិបាកប្រាស្រ័យទាក់ទងគ្នា និងប្រកបជំនួញជួញដូរផ្សេងៗ និងធ្វើឱ្យ បាត់បង់សោភ័ណភាពទីក្រុងដ៏ស្រស់ស្អាតជាមុនផងដែរ៕