កិច្ចប្រជុំលើកទី១២ របស់គណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ (គ.គ.អ.ស.) រាជធានីភ្នំពេញ៖ នាថ្ងៃទី១៩ ខែធ្នូ ឆ្នាំ២០២៤ ឯកឧត្តម ចៅ សុភៈភិបាល អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន និងជាសមាជិកគណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ (គ.គ.អ.ស.) បានចូលរួមកិច្ចប្រជុំលើកទី១២ របស់គណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ (គ.គ.អ.ស.) ដឹកនាំកិច្ចប្រជុំដោយ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធានគណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គមនៅថ្នាក់ក្រោមជាតិ (គ.គ.អ.ស.)។ កិច្ចប្រជុំនេះ មានការចូលរួមពីលោកស្រី Tegan Park លេខាទី១ នៃស្ថានទូតអូស្ត្រាលីប្រចាំកម្ពុជា លោកស្រី Meloney Lindberg និងជាអនុប្រធាន គ.គ.អ.ស. ឯកឧត្តម លោកជំទាវ លោក លោកស្រី ជាសមាជិក សមាជិការ គ.គ.អ.ស. លោក លោកស្រី តំណាងស្ថានទូតអូស្ត្រាលី ស្ថានទូតជប៉ុន តំណាងធានាគារពិភពលោក ទីភ្នាក់ងារសហប្រតិបត្តិការសម្រាប់កិច្ចអភិវឌ្ឍរបស់ប្រទេសស្វីស ទីភ្នាក់ងារសហរដ្ឋអាមេរិកដើម្បីកិច្ចអភិវឌ្ឍអន្តរជាតិ (USAID) តំណាងអង្គការទស្សនៈពិភពលោកប្រចាំកម្ពុជា តំណាងដៃគូអភិវឌ្ឍន៍ ក្រសួងស្ថាប័ន អង្គការសង្គមស៊ីវិលជាដៃគូអនុវត្ត និងអ្នកពាក់ព័ន្ធ។ កិច្ចប្រជុំបានប្រព្រឹត្តទៅតាមរបៀបវារៈមួយចំនួនរួមមាន៖ (១).ប្រកាសសមាសភាពសមាជិក គ.គ.អ.ស. (២.) តាមដាន ត្រួតពិនិត្យពីវឌ្ឍនភាព បញ្ហាប្រឈម នៃដំណើរការអនុវត្តការងារគណនេយ្យភាពសង្គម (ទាំងផ្នែកផ្គត់ផ្គង់ និងផ្នែកតម្រូវការ) (៣.) អនុម័តលើសូចនាករ នៃផ្ទាំងកញ្ចប់ព័ត៌មាន (I4Cs) ទម្រង់ស្រង់ទិន្នន័យ និងទិន្នន័យលទ្ធផលការងារ (Post-Ons) និង (៤.) កិច្ចពិភាក្សារួម៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube