សន្និសីទ ស្តីពីវិស័យភស្តុភារកម្ម វិស័យដឹកជញ្ជូនផ្លូវសមុទ្រ និងផ្លូវអាកាសក្នុងតំបន់អាស៊ាន លើកទី១៤ ទីក្រុងហុងកុង ៖ នៅថ្ងៃទី១៨-១៩ ខែវិច្ឆិកា ឆ្នាំ២០២៤ ឯកឧត្តម ហេង ណន រដ្ឋលេខាធិការ តំណាងឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណ:ប្រតិភូក្រសួងសាធារណការ និងដឹកជញ្ជូន ចូលរួមសន្និសីទ ស្តីពីវិស័យភស្តុភារកម្ម វិស័យដឹកជញ្ជូនផ្លូវសមុទ្រ និងផ្លូវអាកាសក្នុងតំបន់អាស៊ាន លើកទី១៤ ( 14th Asian Logistics , Maritime and Aviation Conference - ALMAC 14th) ដែលរៀបចំឡើងដោយរដ្ឋបាលតំបន់ពិសេសហុងកុង ( HKSAR Government - Hong Kong Special Administrative Region) និងក្រុមប្រឹក្សាអភិវឌ្ឍន៍ពាណិជ្ជកម្មហុងកុង (HKTDC - Hong Kong Trade Development Council) ដោយមានការចូលរួមពីតំណាងស្ថាប័នរដ្ឋ និងឯកជនដែលពាក់ព័ន្ធក្នុងវិស័យដឹកជញ្ជូន និងភស្តុភារកម្ម ពីបណ្តាប្រទេសក្នុងតំបន់អាស៊ី អឺរ៉ុប និងអាមេរិក។ សន្និសីទ ALMAC-2024 ត្រូវបានរៀបចំឡើងក្រោមប្រធានបទ «Shaping the Future of Supply Chains: Resilience and Sustainability» ដែលមានគោលបំណង ដើម្បីឱ្យប្រតិបត្តិករដឹកជញ្ជូន និងអ្នកផ្តល់សេវាឡូជីស្ទីកបានជួបពិភាក្សា និងផ្លាស់ប្តូរទស្សនៈគ្នាទៅវិញទៅមកអំពីព័ត៌មានទីផ្សារ និងស្វែងរកឱកាសក្នុងការធ្វើធុរកិច្ចជាមួយគ្នា។ ក្នុងឱកាសនោះ ឯកឧត្តមរដ្ឋលេខាធិការ បានធ្វើការផ្សព្វផ្សាយសមិទ្ធិផល ការអភិវឌ្ឍនានាក្នុងវិស័យដឹកជញ្ជូន និងភស្តុភារកម្ម ជាពិសេសផែនការមេគ្រប់ជ្រុងជ្រោយស្តីពីប្រពន្ធ័ដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ដល់អន្តរជាតិ សំដៅជំរុញការទាក់ទាញការវិនិយោគ និងការអភិវឌ្ឍបន្ថែមនៅកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube