កិច្ចប្រជុំរវាងអង្គភាពគ្រប់គ្រងគម្រោង សមត្ថកិច្ចប៉ូលីសចរាចរណ៍ និងក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ ភ្នំពេញ៖ នាថ្ងៃសុក្រ ទី២៦ ខែកញ្ញា ឆ្នាំ២០២៤ ឯកឧត្តម ស៊ឹង សុគង់ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំរវាងអង្គភាពគ្រប់គ្រងគម្រោង សមត្ថកិច្ចប៉ូលីសចរាចរណ៍ និងក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ ដោយមានការចូលរួមពីថ្នាក់ដឹកនាំ បុគ្គលិកក្រុមហ៊ុន សមត្ថកិច្ចប៉ូលីសចរាចរណ៍ផ្លូវល្បឿនលឿន និងអង្គភាពពាក់ព័ន្ធជាច្រើនរូបទៀត។ កិច្ចប្រជុំនេះ ធ្វើឡើងក្នុងគោលបំណង ដើម្បីពិនិត្យពីស្ថានភាពការគ្រប់គ្រង ការប្រើប្រាស់ផ្លូវផ្នែកសុវត្ថិភាពចរាចរណ៍ វិធានការទប់ស្កាត់ជំនន់ទឹកភ្លៀង ការត្រៀមសម្រាប់លំហូរចរាចរណ៍ ពន្លឿនការរៀបចំផ្សព្វផ្សាយវីដេអូអប់រំនានា ពីសុវត្ថិភាពនៃការបើកបរលើផ្លូវល្បឿនលឿនភ្នំពេញ-ក្រុងព្រះសីហនុ ក្នុងឱកាសបុណ្យភ្ជុំបិណ្ឌ នាខាងមុខនេះ។ ឯកឧត្តមអនុរដ្ឋលេខាធិការ បានណែនាំដល់ថ្នាក់ដឹកនាំ បុគ្គលិក សមត្ថកិច្ចប៉ូលីសចរាចរណ៍ផ្លូវល្បឿនលឿន និងអង្គភាពពាក់ព័ន្ធ ត្រូវយកចិត្តទុកដាក់ និងបណ្ដុះបណ្តាលជំនាញផ្សេងៗ សំដៅពង្រឹងសមត្ថភាពបុគ្គលិកបន្ថែមទៀត ដើម្បីដោះស្រាយបញ្ហាប្រឈមនានាឱ្យបានទាន់ពេលវេលា ប្រកបដោយប្រសិទ្ធភាពខ្ពស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube