កិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី២ ទីស្តីការក្រសួង៖ នាព្រឹកថ្ងៃទី២៧ ខែឧសភាឆ្នាំ២០២៤ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី២ ដោយមានការចូលរួមពីតំណាងថ្នាក់ដឹកនាំក្រសួងស្ថាប័នពាក់ព័ន្ធ។ កិច្ចប្រជុំនេះត្រូវបានធ្វើឡើងដោយផ្តោតសំខាន់ទៅលើរបៀបវារៈចំនួនបី៖ ១.) ពិនិត្យ និងអនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគប្រចាំ ឆ្នាំ២០២៣ របស់មន្ទីរពិសោធន៍សំណង់ និងសាធារណការ (មពសស) ២.) ពិនិត្យ និងអនុម័តលើរបាយការណ៍អនុវត្តការងារអាជីវកម្ម-សេវាកម្ម និងការងារវិនិយោគត្រីមាសទី១ ឆ្នាំ២០២៤ របស់ មពសស និង៣.) បញ្ហាផ្សេងៗ។ មន្ទីរពិសោធន៍សំណង់ និងសាធារណការ បានអនុវត្តអាជីវកម្ម-សេវាកម្មប្រចាំឆ្នាំ២០២៣ ធៀបនឹងឆ្នាំ២០២២ ទទួលលទ្ធផលល្អ ចំណែកការអនុវត្តអាជីវកម្ម-សេវាកម្មត្រីមាសទី១ ឆ្នាំ២០២៤ ធៀបនឹងត្រីមាសទី១ ឆ្នាំ២០២៣ ក៏បានទទួលលទ្ធផលល្អប្រសើរផងដែរ។ ទន្ទឹមនឹងនេះ មន្ទីរពិសោធន៍សំណង់ និងសាធារណការ បានគោរពនូវរាល់គោលការណ៍ និងកាតព្វកិច្ច ជាសហគ្រាសសាធារណៈ ដោយបានប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗ ជាច្រើនទៀតបង់ចូលថវិការដ្ឋយ៉ាងត្រឹមត្រូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube