ជំនួបសម្តែងការគួរសមជាមួយក្រុមហ៊ុនធានារ៉ាប់រង ដើម្បីជំរុញការសហការកាត់បន្ថយហានិភ័យការងារ និងធានាសុវត្ថិភាពក្នុងពេលសាងសង់ហេដ្ឋារចនាសម្ព័ន្ធផ្លូវថ្នល់ ភ្នំពេញ៖ នៅថ្ងៃសុក្រ ទី៣ ខែឧសភា ឆ្នាំ២០២៤ ឯកឧត្តម ពៅ ម៉ាលី រដ្ឋលេខាធិការ តំណាងឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានទទួលជួបសម្តែងការគួរសមជាមួយក្រុមហ៊ុនធានារ៉ាប់រង people & partners ដោយមានការចូលរួមពីសំណាក់ថ្នាក់ដឹកនាំក្រសួង និងមន្ត្រីជំនាញពាក់ព័ន្ធផងដែរ។ ជំនួបពិភាក្សានេះ បានលើកឡើងពីសារៈសំខាន់នៃធានារ៉ាប់រងចំពោះការសាងសង់ ក៏ដូចជាចំណាប់អារម្មណ៍ក្នុងការធ្វើជាដៃគូសហការរបស់ក្រសួង ដើម្បីសម្រួលដល់ក្រុមហ៊ុនសាងសង់ ដែលទទួលបានការអនុញ្ញាតពីក្រសួងក្នុងការជ្រើសរើសក្រុមហ៊ុនធានារ៉ាប់រង សំដៅកាត់បន្ថយហានិភ័យផ្សេងៗដែលកើតឡើងក្នុងកំឡុងពេលសាងសង់ ក៏ដូចជាធានាសុវត្ថិភាពចំពោះបុគ្គលិករបស់ក្រុមហ៊ុន និងតតិយជនដទៃទៀតដែលទទួលរងផលប៉ះពាល់នៃគម្រោង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube