ការកំណត់ល្បឿនបើកបរ នៅលើផ្លូវល្បឿនលឿន ល្បឿនបើកបរត្រូវបានកំណត់ទៅតាមសណ្ឋានផ្លូវ និងទីតាំងភូមិសាស្រ្ត ដើម្បីធានាបាននូវសុវត្ថិភាពក្នុងការធ្វើដំណើរ ហើយការទប់ស្កាត់ការបើកបរហួសល្បឿនកំណត់ គឺសំដៅកាត់បន្ថយគ្រោះថ្នាក់ចរាចរណ៍ ដែលជាកត្តាចម្បងក្នុងការឆក់យកអាយុជីវិតប្រជាពលរដ្ឋខ្មែរ នាពេលបច្ចុប្បន្ន។ ជាមួយគ្នានេះ ល្បឿនបើកបរនៅលើផ្លូវល្បឿនលឿនភ្នំពេញ-ក្រុងព្រះសីហនុ ក៏ត្រូវបានកំណត់យ៉ាងច្បាស់លាស់ដែរ ទាំងល្បឿនអប្បបរមា(ទាបបំផុត) និងអតិបរមា(ខ្ពស់បំផុត) ដែលរួមមានដូចខាងក្រោម៖ - ល្បឿនអប្បបរមា ត្រូវកំណត់ត្រឹម ៦០គ.ម/ម៉ - ល្បឿនអតិបរមា ៨០គ.ម/ម៉ សម្រាប់រថយន្តសណ្តោងសឺមីរ៉ឺម៉ក ឬសណ្តោងយានដំណើរកំសាន្ត - ល្បឿនអតិបរមា ១០០គ.ម/ម៉ សម្រាប់រថយន្តធុនធ្ងន់ ដែលមិនមានសណ្តោង សឺមីរ៉ឺម៉ក និងទោចក្រយានយន្តដែលមានទំហំស៊ីឡាំង ចាប់ពី៥០០CC ឬប្រើថាមពលអគ្គីសនីចាប់ពី២៧គីឡូវ៉ាត់ឡើងទៅ - ល្បឿនអតិបរមា ១២០គ.ម/ម៉ សម្រាប់រថយន្តធុនស្រាលគ្រប់ប្រភេទ។ បន្ថែមពីនោះ បងប្អូនអ្នកបើកបរគ្រប់រូបត្រូវគោរពតាមផ្លាកសញ្ញា និងគំនូសសញ្ញាកំណត់ល្បឿននៅលើដងផ្លូវ ឱ្យបានគត់មុត ដោយហេតុថាត្រង់តំបន់ខ្លះនៃផ្លូវល្បឿនលឿន បងប្អូនមិនអាចបើកបរល្បឿនអតិបរមាដូចដែលបានកំណត់ខាងលើឡើយ។ ប្រជាពលរដ្ឋល្អ គោរពច្បាប់ចរាចរណ៍ បើកបរតាមល្បឿនដែលបានកំណត់ ដើម្បីសុខសុវត្ថិភាពក្នុងការធ្វើដំណើរ! ទំនាក់ទំនង៖ ⁃ ព័ត៌មានពីសេវាកម្ម៖ 1399 ⁃ ព័ត៌មានទូទៅ៖ 1275