កិច្ចប្រជុំស្ដីពីការតខ្សែបណ្តាញរបស់ក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ ដើម្បីសម្រួលការគ្រប់គ្រងប្រតិបត្តិការឱ្យកាន់តែល្អប្រសើរ ទីស្តីការក្រសួង៖ នារសៀលថ្ងៃទី១៥ ខែធ្នូ ឆ្នាំ២០២៣ ឯកឧត្ដម ស៊ឹង សុគង់ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំស្ដីពីការតបណ្តាញខែ្សកាបអុបទិក និងការប្រើប្រាស់អ៊ីនធឺណិត នៅក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ ដោយមានការអញ្ជើញចូលរួមពីថ្នាក់ដឹកនាំក្រសួង តំណាងនិយ័តករទូរគមនាគមន៍ នៃក្រសួងប្រៃសណីយ៍ និងទូរគមនាគមន៍ តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រុមហ៊ុនផ្លូវល្បឿនលឿន និងមន្ត្រីជំនាញពាក់ព័ន្ធ។ កិច្ចប្រជុំនេះធ្វើឡើងដើម្បីពិនិត្យបញ្ហាមួយចំនួនទាក់ទងនឹងការតបណ្តាញខែ្សកាបអុបទិក និងការប្រើប្រាស់អ៊ីនធឺណិតរបស់ក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ និងរកដំណោះស្រាយសមស្រប ដើម្បីជួយសម្រួលការគ្រប់គ្រងប្រតិបត្តិការ និងដំណើរការរបស់គម្រោងឱ្យប្រព្រឹត្តទៅដោយរលូន ក៏ដូចជាជួយជំរុញការបម្រើសេវាផ្លូវល្បឿនលឿនឱ្យកាន់តែល្អប្រសើរ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube