[Koh Santepheap] - ផ្អាកចរាចរណ៍បណ្តោះអាសន្នលើផ្លូវជាតិលេខ៧៦ ក្នុងភូមិសាស្ត្រខេត្តមណ្ឌលគិរី ក្រោយភ្លៀងយ៉ាងខ្លាំង បា.ក់ស្រុតផ្លូវ
2023-08-02
Go to the website published Koh Santepheap
រាជធានីភ្នំពេញ ៖ រដ្ឋបាលខេត្តមណ្ឌលគីរី បានផ្អាកជាបណ្តោះ អាសន្នការធ្វើចរាចរ យានយន្តគ្រប់ប្រភេទ នៅលើផ្លូវជាតិលេខ៧៦ ចន្លោះ គីឡូម៉ែត្រលេខ៩១ ដល់ គីឡូម៉ែត្រ លេខ៩៩ ក្នុងភូមិសាស្ត្រខេត្តមណ្ឌលគិរី បន្ទាប់ ពីទទួលរងនូវការធ្លាក់ភ្លៀងយ៉ាងខ្លាំង បណ្តាលឲ្យមានការបាក់ស្រុតផ្លូវ។
យោងតាមសេចក្ដីជូនដំណឹងរបស់ រដ្ឋបាលខេត្តមណ្ឌលគីរី នាថ្ងៃទី១ សីហា បានឲ្យដឹងថា «បន្ទាប់ ពីទទួលរងនូវការធ្លាក់ភ្លៀងយ៉ាងខ្លាំង នៅក្នុងខេត្តមណ្ឌលគិរី បានធ្វើឱ្យមានជំនន់ទឹកភ្លៀង ដោយទឹកបានហូរ ច្រោះបណ្តាលឲ្យមានការបាក់ស្រុតផ្លូវ និងដាច់ផ្លូវនៅចន្លោះ គីឡូម៉ែត្រលេខ៩១ ដល់ គីឡូម៉ែត្រលេខ៩៩ ផ្លូវជាតិ លេខ៧៦ ចន្លោះពីស្រុកអូររាំង ទៅស្រុកកែវសីមា (ចំណុចអូរងើយ) ដែលផ្លូវត្រូវបានកាត់ផ្តាច់ និងខូចទាំងស្រុង មិនអាចធ្វើដំណើរបានសម្រាប់មធ្យោបាយយានយន្តគ្រប់ប្រភេទ ។ ដូចនេះរដ្ឋបាលខេត្ត សូមធ្វើការបិទផ្អាកការធ្វើ ចរាចរជាបណ្តោះអាសន្ន ចាប់ពីថ្ងៃទី១ សីហា នេះតទៅ រហូតដល់មានការជូនដំណឹងស្តីពីការ បើកឲ្យធ្វើចរាចរឡើងវិញ នាពេលខាងមុខ»។ឮ
ដំណើរតាម មធ្យោបាយយានយន្តគ្រប់ប្រភេទ មានបំណងចង់ធ្វើ ដំណើរទៅរាជធានីភ្នំពេញ និងធ្វើដំណើរមកកាន់ខេត្តមណ្ឌលគិរី សូមធ្វើដំណើរតាមផ្លូវ វាងដោ យឆ្លងកាត់តាមខេត្តក្រចេះ ខេត្តស្ទឹងត្រែង និងខេត្តរតនគិរី ជាបណ្តោះអាសន្ន ដើម្បីជួយស ម្រួលដល់ការធ្វើដំណើរ ។
ជាមួយគ្នានោះដែររដ្ឋបាលខេត្ត ក៏សូមការអធ្យាស្រ័យពីសាធារណៈជន ម្ចាស់យាន យន្តដឹកទំនិញ និងអ្នកធ្វើដំណើរ តាមមធ្យោបាយយានយន្តគ្រប់ប្រភេទ ចំពោះការបិទជាប ណ្តោះអាសន្ននូវការធ្វើចរាចរ ដោយសារការដាច់ផ្លូវ ដែលបណ្តាលមកពីគ្រោះ ធម្មជាតិជាយថាហេតុនេះ។
លើសពីនេះ រដ្ឋបាលខេត្តមណ្ឌលគិរី បានជឿជាក់យ៉ាងមុតមាំថា សាធារណៈជន ម្ចាស់យានយន្តដឹក ទំនិញ និងអ្នកធ្វើដំណើរតាមមធ្យោបាយយានយន្តគ្រប់ប្រភេទ នឹងយោគយល់អធ្យាស្រ័យ និងរងចាំការជូនដំណឹង បើកឲ្យដំណើរការឡើងវិញនូវការធ្វើ ចរាចរសម្រាប់យានយន្តគ្រប់ប្រភេទឆ្លងកាត់ខេត្តមណ្ឌលគិរី នាពេលឆាប់ៗ ខាងមុខនេះ៕
សូមបញ្ជាក់ថា គិតចាប់តាំងពីវេលាម៉ោង១១យប់ថ្ងៃទី១ សីហា ឆ្នាំ២០២៣ រដ្ឋបាលសាលាខេត្តមណ្ឌលគិរី សូមជូនដំណឹងដល់សាធារណជនទាំងអស់ ជាពិសេសបងប្អូនប្រជាពលរដ្ឋទាំងអស់ដែលធ្វើដំណើរលើដងផ្លូវជាតិ (លេខ ៧៦A)ពី ខេត្តមណ្ឌលគិរី ទៅទីក្រុងភ្នំពេញ ឬ ពីទីក្រុងភ្នំពេញ ទៅខេត្តមណ្ឌលគិរី សូមបើកបរផ្លូវវាង ទៅតាមខេត្តក្រចេះ និង ខេត្តរតនៈគិរី ដោយសារនៅចំណុចអូរងើយ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី ដោយផ្លូវនៅចំណុចនេះបានបាក់ស្រុតចុះប្រវែងបណ្ដោយ ប្រមាណជាង១០ម៉ែត្រ ។
រដ្ឋបាលសាលាខេត្តមណ្ឌលគិរីបានប្រកាសទៀតថា បន្ទាប់ពីទទួលរងនូវការធ្លាក់ភ្លៀងយ៉ាងខ្លាំង បានធ្វើឱ្យមានជំនន់ទឹកភ្លៀង ដោយទឹកបានហូរច្រោះ បណ្តាលឱ្យមានការបាក់ស្រុតផ្លូវ និងដាច់ផ្លូវនៅចន្លោះ គីឡូម៉ែត្រលេខ៩១ ដល់ គីឡូម៉ែត្រលេខ៩៩ ផ្លូវជាតិលេខ៧៦ ចន្លោះពីស្រុកអូររាំង ទៅស្រុកកែវសីមា (ចំណុចអូរងើយ) ដែលផ្លូវត្រូវបានកាត់ផ្តាច់ និងខូចទាំងស្រុង មិនអាចធ្វើដំណើរបានសម្រាប់មធ្យោបាយយានយន្តគ្រប់ប្រភេទ ។
អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋ ភ្ញៀវទេសចរណ៍ និងអ្នកធ្វើដំណើរតាមរថយន្តក្ដី ទោចក្រយានយន្តក្ដី សូមផ្អាកការធ្វើដំណើរជាបណ្ដោះអាសន្នដោយអនុគ្រោះ ៕
