ក្រុមបាល់ទាត់​ វិស័យសាធារណការ និងដឹកជញ្ជូន​ យកឈ្នះ​ ក្រុម ទីស្តីការគណៈរដ្ឋមន្ត្រី លទ្ធផល​ ៦​ ទល់នឹង​ ៣​ ក្នុងការប្រកួតពានរង្វាន់កីឡាបាល់ទាត់ មិត្តភាពយុវជន​ ស.ស.យ.ក​ អន្តរក្រសួង-ស្ថាប័ន ថ្ងៃសៅរ៍ ១៤កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែកុម្ភៈ ឆ្នាំ២០២៣ ក្រុមបាល់ទាត់ ស.ស.យ.ក វិស័យសាធារណការ និងដឹកជញ្ជូន បានចូលរួមប្រកួតពានរង្វាន់កីឡាបាល់ទាត់មិត្តភាពយុវជនអន្តរក្រសួង-ស្ថាប័ន ផ្លូវការ ក្នុងវគ្គចែកពូលលើកដំបូង ជាមួយក្រុមបាល់ទាត់មកពី ទីស្តីការគណៈរដ្ឋមន្ត្រី នៅទីលានបាល់ទាត់ប្លូស្ពតសិនធ័រ (Blue Sport Center) ។ សូមជម្រាបជូនថាការប្រកួតនេះ ជាការប្រកួតលើកទី១ របស់ក្រុមយុវជន ស.ស.យ.ក វិស័យសាធារណការ និងដឹកជញ្ជូន ស្ថិតក្នុងពូល H ជាការប្រកួតជម្រុះក្រុម ដើម្បីអាចឈានឡើងប្រកួតទៅវគ្គបន្ទាប់។ ជាលទ្ធផលនៃការប្រកួត​ ក្រុមស.ស.យ.ក វិស័យសាធារណការ និងដឹកជញ្ជូន យកឈ្នះ​ ក្រុម ទីស្តីការគណៈរដ្ឋមន្ត្រី ក្នុងលទ្ធផល​ ៦ ទល់នឹង ៣ ។ ការប្រកួតនេះធ្វើឡើងដើម្បីបង្ហាញពីស្មារតី​ សាមគ្គីភាព មិត្តភាព រវាងយុវជន នៃគ្រប់ក្រសួង-ស្ថាប័នផង និងដើម្បីលើកកម្ពស់សកម្មភាពកីឡា ឱ្យស្របតាមទិសស្លោក មនុស្សម្នាក់លេងកីឡាមួយប្រភេទ ផងដែរ ៕