[Kampucheathmey] - រាជរដ្ឋាភិបាលប្រគល់ថវិកាប្រមាណជាង ១០ ម៉ឺនដុល្លារ ជូនពលរដ្ឋឃុំតាឡាត សម្រាប់ស្ថាបនាផ្លូវជាលើកដំបូង
2022-12-15
Go to the website published Kampucheathmey
លូវចូលទៅកាន់ភូមិតាឡាត ឃុំតាឡាត ស្រុកសេសាន ខេត្តស្ទឹងត្រែង និងផ្លូវក្នុងភូមិ ដែលមានស្ថានភាពលំបាកធ្វើចរាចរណ៍អស់រយៈពេលជាង ៧០ ឆ្នាំមកនោះ ត្រូវបានរាជរដ្ឋាភិបាលប្រគល់ថវិកាជាង ១០ ម៉ឺនដុល្លារ សម្រាប់ធ្វើការស្ថាបនាថ្មីជូនប្រជាពលរដ្ឋ ដើម្បីលុបបំបាត់ភាពកង្វល់ និងជំនួសមកវិញនូវភាពងាយស្រួលក្នុងការធ្វើចរាចរណ៍។លោក សុវណ្ណ ពិសេដ្ឋ អភិបាលស្រុក បានបញ្ជាក់ថា ផ្លូវមួយខ្សែនេះថ្វីត្បិតតែការសាងសង់ឡើងជាផ្លូវដី ស មែន តែវាជាចំណែកមួយ នៃការចាប់ផ្ដើមឈានទៅរកភាពល្អប្រសើរ ហើយនៅឆ្នាំក្រោយទៀត អាជ្ញាធរ នឹងប្រើប្រាស់ថវិកាមូលនិធិឃុំ ឬស្រុក ក្រាលគ្រួសក្រហម ដើម្បីធានាដល់ការប្រើប្រាស់ជូនប្រជាពលរដ្ឋ។
លោកបន្តថា ផ្លូវថ្មីនេះមានស្ថានភាពមួយជាផ្លូវបត់បែន ដូចនេះ សូមបងប្អូនបើកបរគោយន្ត ឬម៉ូតូ ត្រូវគោរព និងផ្ដល់សិទ្ធិអាទិភាពឲ្យគ្នាទៅវិញទៅមក ហើយត្រូវរួមគ្នាថែរក្សាឲ្យបានល្អផង។ជាមួយគ្នានេះ ក្នុងនាមអាជ្ញាធរស្រុក សូមឲ្យបងប្អូនប្រជាពលរដ្ឋយើងចូលរួមថែរក្សាការពារនូវសមិទ្ធផលរបស់រាជរដ្ឋាភិបាល ដែលបានផ្ដល់ឲ្យនេះ ដោយមើលថែ ការប្រើប្រាស់ផ្លូវនេះមិនឲ្យប្រើកងដែក នៅពេលខែវស្សាទឹកជន់ចូលខ្លាំង វាជ្រាយវាអីអញ្ចឹង សូមបងប្អូនមេត្តាកុំប្រើប្រាស់ពេលផ្លូវមានស្ថានភាពលំបាក។
ផ្លូវនេះ គឺជាទ្រព្យសម្បត្តិរបស់យើងទាំងអស់គ្នា នេះជាការចូលរួមថែរក្សា របស់បងប្អូន។លោក សៃ សាន់ អាយុ ៦៤ ឆ្នាំ តំណាងឲ្យប្រជាពលរដ្ឋនៅឃុំតាឡាត បានបញ្ជាក់ថា បណ្ដាំនេះបងប្អូនប្រជាពលរដ្ឋ នឹងនាំគ្នាអនុវត្តតាម ព្រោះមិនចង់ឃើញភាពលំបាកដ៏ញាំញី ជាង ៧០ ឆ្នាំ ដោយសារតែផ្លូវលំបាកធ្វើដំណើរនេះវិលត្រឡប់មកវិញនោះទេ។លោកថា សមិទ្ធផលនេះប្រជាពលរដ្ឋស្រឡាញ់ពេញចិត្តណាស់ ហើយនឹងសហការសាមគ្គីគ្នាជាកម្លាំងជួយថែរក្សាផ្លូវនេះសម្រាប់បម្រើការធ្វើចរាចរណ៍ទៅមកបានស្រួល បើកន្លែងណាខាត ខូច ខ្ញុំនឹងសុខចិត្តរួមដៃគ្នាដើម្បីជួសជុលកសាងឡើងវិញ ជាកម្លាំងមួយសាមគ្គី ដើម្បីធ្វើជាលូ ឬជាបណ្ដោះអាសន្នធ្វើជាស្ពាន ដើម្បីឆ្លងកាត់សម្រាប់ប្រជាពលរដ្ឋយើងទាំងមូល សម្រាប់ទាំងអស់គ្នាទៅមក។
សូមបញ្ជាក់ថា ផ្លូវមួយខ្សែនេះមានប្រវែងបណ្ដោយជាង ១៧ គីឡូម៉ែត្រ ទទឹង ៦ ម៉ែត្រ ចាប់ចេញពីផ្លូវមាត់ទន្លេក្នុងភូមិតាឡាត ទៅដល់ចំណុចផ្លូវក្រុមហ៊ុន (អេះខេ) ដាំដំណាំកសិកម្មក្នុងឃុំត្រពាំងក្រហម ស្រុកកូនមុំ ខេត្តរតនគីរី បន្តទៅកាន់ផ្លូវជាតិលេខ ០៧ ស្ទឹងត្រែង ក្រចេះ ផងដែរ៕
