កិច្ចប្រជុំដើម្បីពិនិត្យលេី​ ការកំណត់យន្តការបច្ចេកវិទ្យា​ ត្រួតពិនិត្យតាមដាន​ ការធ្វេីអាជីវកម្ម​ ផ្លូវល្បឿនលឿនភ្នំពេញ-ក្រុងព្រះសីហនុ​ ទីស្ដីការក្រសួង៖ ថ្ងៃព្រហស្បតិ៍ ៣ រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែតុលា ឆ្នាំ២០២២ ឯកឧត្ដម សួង ហេង រដ្ឋលេខាធិការ នៃក្រសួងសាធារណការ និងដឹកជញ្ជូន​ និង ឯកឧត្ដមបណ្ឌិត ផាន់ ផល្លា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ​ បានដឹកនាំ កិច្ចប្រជុំដើម្បីពិនិត្យលេី​ ការកំណត់យន្តការបច្ចេកវិទ្យាត្រួតពិនិត្យតាមដាន​ ការធ្វេីអាជីវកម្ម​ ផ្លូវល្បឿនលឿនភ្នំពេញ-ក្រុងព្រះសីហនុ​។ កិច្ចប្រជុំនេះមានការអញ្ជើញចូលរួមពីថ្នាក់ដឹកនាំក្រសួង ឯកឧត្ដមអនុរដ្ឋលេខាធិកា ឯកឧត្ដម អគ្គនាយក អគ្គនាយករង លោក-លោកស្រី ប្រធាន-អនុប្រធាន នាយកដ្ឋាន នឹងអង្គភាព ស្ថាប័ន ភាគីពាក់ព័ន្ធ។ កិច្ចប្រជុំនេះផ្តោតទៅលេីប្រភេទទិន្នន័យ​ ប្រតិបត្តការចំណូលពីកម្រៃសេវាប្រើប្រាស់ផ្លូវល្បឿនលឿនភ្នំពេញ - ក្រុងព្រះសីហនុ ដើម្បីធានានបានតម្លាភាព នឹងប្រសិទ្ធភាពខ្ពស់ ក្នុងការធ្វេីអាជីវកម្ម​ ព្រមទាំងធានាបាននូវសុវត្ថិភាព​ នៃការចរាចរណ៍របស់បងប្អូនប្រជាពលរដ្ឋ។ គួរបញ្ជាក់ថាកិច្ចប្រជុំនេះធ្វើឡើងដោយយោងតាមអនុសាសន៍ណែនាំដ៏ខ្ពង់ខ្ពស់ពី ឯកឧត្ដមអគ្គបណ្ឌិតសភាចារ្យ​ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងឯកឧត្ដមទេសរដ្ឋមន្ត្រី រដ្ឋមន្រ្តីក្រសួងសាធារណការ និងដឹកជញ្ជូន កាលចុះពិនិត្យផ្ទាល់ផ្លូវលើល្បឿនលឿនភ្នំពេញ-ព្រះសីហនុ ពីថ្ងៃ០៧ ខែតុលា ឆ្នាំ២០២២ កន្លងទៅ៕