មន្ទីរសារធារណការ និងដឹកជញ្ជូន​ខេត្តព្រះវិហារ​នៅថ្ងៃទី ២៦ ខែកញ្ញា ឆ្នាំ ២០២២ បានប្រកាសបិទចរាចរណ៍​បណ្ដោះអាសន្នចំពោះ​រថយន្តដឹកទំនិញធុនធ្ងន់​តាមកំណាត់ផ្លូវជាតិលេខ ៩ ក្នុងភូមិសាស្ត្រ​ស្រុកឆែប ខេត្តព្រះវិហារ​ដោយសារស្ថានភាពជំនន់ទឹកភ្លៀង​បានឡើងរហូតដល់កម្រិតប្រកាសអាសន្ន ធ្វើឱ្យផ្លូវថ្នល់ ស្ពាន​ មិនអាចទ្រាំទ្រ​និងទម្ងន់រថយន្តដឹកទំនិញធុនធ្ងន់បាន។សេចក្ដីជូនដំណឹងរបស់មន្ទីរសារធារណការខេត្តព្រះវិហារបញ្ជាក់ថា «អាស្រ័យហេតុនេះ មន្ទីរសារធារណការ និងដឹកជញ្ជូន​ខេត្តព្រះវិហារ​សូមធ្វើការបិទចរាចរណ៍ទាំងស្រុងជាបណ្ដោះអាសន្ន ចំពោះរថយន្តដឹកទំនិញធុនធ្ងន់ នៅកំណាត់​ផ្លូវជាតិលេខ ៩ ស្ថិតនៅភូមិម្លូព្រៃ ឃុំព្រៃមួយ ស្រុកឆែប ខេត្តព្រះវិហារ ចាប់ពីថ្ងៃជូន​ដំណឹងនេះ​តទៅ រហូតដល់មានសេចក្ដីជូនដំណឹងសារជាថ្មី ដើម្បីថែរក្សាផ្លូវថ្នល់ស្ពាន កុំឱ្យបាក់ស្រុត និងធា​នាដល់ការធ្វើចរាចរណ៍ប្រកបដោយសុវត្ថិភាព»៕