ស្ទឹងត្រែង៖ ផ្លូវកៅស៊ូថ្មីចូលទៅកាន់តំបន់ប្រវត្តិសាស្ត្រ ស្តូបអនុស្សាវរីយ៍សម្តេចឪសម្តេចតា នៅស្រុកបុរីអូរ ស្វាយសែនជ័យខេត្តស្ទឹង ត្រែង បានស្ថាបនា រួចរាល់ហើយ ជាមួយគ្នានេះ មន្ត្រីនៃមន្ទីរសាធារណការនិងដឹក ជញ្ជូនខេត្តដាក់វិធានការឱ្យអាជ្ញាធរមូលដ្ឋាន រួមគ្នាថែរក្សាសមិទ្ធផលថ្មីនេះឱ្យបានល្អ។ ក្នុងសកម្មភាពដាក់បង្គោលបង្ហាញសញ្ញាការពារសុវត្ថិភាពសម្រាប់អ្នកប្រើប្រាស់ផ្លូវកាលពីថ្ងៃទី២៤ ខែកក្កដាឆ្នាំ ២០២០ លោក សគឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែងបានបញ្ជាក់ថា នេះជាផ្លូវ លេខ៣៧៩អា មានប្រវែងជាង ១១គីឡូម៉ែត្រ ទទឹង០៧ម៉ែត្រ ចូលពីផ្លូវជាតិលេខ០៧ តភ្ជាប់ទៅទីរួម ស្រុកបុរីអូរស្វាយសែនជ័យ និងតំបន់ប្រវត្តិសាស្ត្ររបស់សម្តេចឪ សម្តេចតាបានបង្កើតឡើងកាលពីទសវត្សរ៍ទី៦០ ហើយជាតំបន់មួយមិនដែលមានផ្លូវកៅស៊ូទាល់ តែសោះ។ លោកបន្តថា ផ្លូវមួយខ្សែនេះត្រូវបានឯកឧត្តមទេសរដ្ឋមន្ត្រីស៊ុនចាន់ថុលសម្រេចឱ្យចាក់កៅស៊ូ ដើម្បីលើកសោភ័ណភាពទៅទីរួមស្រុកនេះផង និងបានផ្លូវល្អសម្រាប់ប្រជាពលរដ្ឋនិងភ្ញៀវទេសចរធ្វើចរាចរណ៍ចេញចូលបានងាយស្រួល។ លោកបន្ថែមថា៖ផ្លូវនេះអាជ្ញា ធរមូលដ្ឋាននិងប្រជាពលរដ្ឋត្រូវរួមគ្នាទប់ស្កាត់រថយន្តដឹកលើសទម្ងន់ហាមចេញចូល ដើម្បីថែរក្សាផ្លូវមួយខ្សែនេះប្រើប្រាស់បានយូរអង្វែង។ «អ៊ីចឹងសង្ឃឹមថាបងប្អូនប្រជាពលរដ្ឋនិងអាជ្ញា ធរដែនដីនៃបុរីអូរស្វាយសែនជ័យនេះ សុំឱ្យលោកជួយទប់ ស្កាត់ នូវរថយន្តធ្ងន់ៗ ព្រោះអីកន្លងមក ខ្ញុំក៏បានហាមប្រាមដែរ សំណូមពរទៅស្រុកដែរ ឃើញរថយន្តធំៗណាស់ចូលជាពិសេសរថយន្តដឹកដំឡូងមី សុទ្ធតែខ្នាតវែង 40តោន អ៊ីចឹងបើអស់លោកលោកស្រីប្រជាពលរដ្ឋទាំងអស់ដែលមិនជួយការពារទេ ខ្ញុំក៏មិនអាចការពារបានដែរ ព្រោះអីផ្លូវនេះជាសមិទ្ធផលរបស់បង ប្អូនប្រជាពលរដ្ឋ អ៊ីចឹង ជួយ ការពារទាំងអស់គ្នា ដើម្បីទី១ បានយូរអង្វែង ទី២ជាគុណ ប្រយោជន៍នៃស្រុកទាំងអស់ គ្នាព្រោះតំបន់នេះគឺជាតំបន់ទេសចរណ៍ធម្មជាតិរបស់ខេត្តស្ទឹងត្រែងជាពិសេស ស្រុកបុរីអូរស្វាយសែនជ័យតែម្ដង»។ លោករ័ត្នស៊ុន មេឃុំអូរស្វាយ ស្រុកបុរីអូរស្វាយសែនជ័យ បានអះអាងថា ការថែរក្សាផ្លូវនេះលោកបានពិគ្រោះយោ បល់ជាមួយថ្នាក់ដឹកនាំសុ្រក និងប្រជាពលរដ្ឋ រៀបចំដាក់បង្គោលសុវត្ថិភាពនៅដើមផ្លូវចូល ស្កាត់មិនឱ្យរថយន្តធុនធំចូលមកបានទេ ហើយបើចង់ដឹកដូរទំនិញ ឬផលកសិកម្មសូមឱ្យម្ចាស់រថយន្តធំ ប្រើប្រាស់រថយន្តធុនតូច ឬគោយន្តដឹកបនុ្តដើម្បីយើងរួម គ្នាថែរក្សាសមិទ្ធផលថ្មីនេះទាំងអស់គ្នា ព្រោះរាជរដ្ឋាភិ បាលបានចំណាយថវិកាអស់ច្រើនណាស់មកសាងសង់ផ្លូវនេះ។ លោកបន្តថា ប្រជាពលរដ្ឋបានសំដែងការសាទរចំពោះការយកចិត្តទុកដាក់របស់អាជ្ញាធរខេត្តជាពិសេសប្រមុខរាជរដ្ឋាភិបាលក៏ដូចជាក្រសួង សាធារណការនិងដឹកជញ្ជូន ស្ថាបនា ផ្លូវ កៅស៊ូបានល្អ ដើម្បីបម្រើសេចក្តីត្រូវការរបស់ប្រជាពលរដ្ឋដែលចង់ បានយូរមកហើយនោះ។ សូមបញ្ជាក់ថា៖ ការតភ្ជាប់ពីផ្លូវកៅស៊ូនេះក្រសួងសាធារ ណការនិងដឹកជញ្ចូន រៀបចំគម្រោងសាងសង់ផ្លូវកៅស៊ូថ្មីប្រវែងជាង៤គីឡូម៉ែត្របន្ថែមទៀត ចេញពីចំណុចតំបន់ស្តូបអនុស្សាវរីយ៍សម្តេចឪសម្តេចតា ទៅកាន់តំបន់អន្លង់មរកត ជាប់ទៅនឹងផ្លូវកៅស៊ូ ច្រកទ្វារព្រំដែនអន្តរ ជាតិត្រពាំងក្រៀលកម្ពុជាឡាវនៅដើមឆ្នាំ២០២៣ខាងមុខ នេះ៕