កណ្ដាល៖ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានស្រុកកោះធំ ខេត្តកណ្តាលលោក បានអំពាវនាវដល់សមាជិកគណបក្សប្រជាជនកម្ពុជា និងអ្នកគាំទ្រ ប្រកាន់ខ្ជាប់ និងប្រតិបត្តិឱ្យបានត្រឹមត្រូវនូវក្រមសីលធម៌សម្រាប់ការបោះឆ្នោតដើម្បីធានាឱ្យបរិយាកាសនៅក្នុងដំណើរការឃោសនាបោះឆ្នោតស្ងប់ស្ងាត់ ថ្ងៃបោះឆ្នោត រាប់សន្លឹកឆ្នោត រហូតដល់ថ្ងៃប្រកាសលទ្ធផលបោះឆ្នោតការប្រព្រឹត្តទៅដោយរលូន និងប្រកបដោយសុវត្ថិភាព។ ថ្លែងក្នុងយុទ្ធនាការឃោសនាបោះឆ្នោតក្រុមប្រឹក្សាឃុំ/សង្កាត់អាណត្តិទី៥ នៅថ្ងៃចុងក្រោយ នៅស្រុកកោះធំ ខេត្តកណ្ដាល លោក បានលើកឡើងថាដើម្បីធានាដល់បរិយាកាសដំណើរការឃោសនាបោះឆ្នោតស្ងប់ស្ងាត់ ថ្ងៃបោះឆ្នោត រាប់សន្លឹកឆ្នោត រហូតដល់ថ្ងៃប្រកាសលទ្ធផលបោះឆ្នោតការប្រព្រឹត្តិទៅដោយរលូននិងប្រកបដោយសុខ សុវត្តិភាពចាំបាច់អ្នកគាំទ្រត្រូវប្រកាន់ខ្ជាប់និងប្រតិបត្តិឱ្យត្រឹមត្រូវតាមច្បាប់បោះឆ្នោត។ លោកថ្លែងបែបនេះនៅចំពោះមុខអ្នកគាំទ្រជាង ៧ពាន់នាក់នៅស្រុកកោះធំ នៅព្រឹកថ្ងៃសុក្រ ទី៣ ខែមិថុនា ឆ្នាំ២០២២នេះ។ ការបោះឆ្នោតជ្រើសរើសសមាជិកក្រុមប្រឹក្សាឃុំ/សង្កាត់អាណត្តទី៥ នឹងត្រូវធ្វើឡើងនៅថ្ងៃទី៥ ខែ មិថុនាខាងមុខ ដោយមានគណបក្សនយោបាយចំនួន ១៧ចូលរួម ដែលនឹងដណ្តើមយកកៅអីក្នុងតំណែងជាសមាជិកក្រុមប្រឹក្សាឃុំ/សង្កាត់ នៅទូទាំងប្រទេសសរុបចំនួន ១១ ៦២២កៅអី ក្នុងចំណោមឃុំ/សង្កាត់ចំនួន ១ ៦៥២ខណៈប្រជាពលរដ្ឋមានឈ្មោះក្នុងបញ្ជីបោះឆ្នោតប្រមាណជាង ៩លាន២សែននាក់៕