ផ្លូវល្បើនលឿនភ្នំពេញ ទៅ ក្រុងព្រះសីហនុគឺជាគម្រោង BOT ដែលវិនិយោគដោយក្រុមហ៊ុន CRBC រចនាបទដោយគម្រោងនិងប្រតិបត្តិការសាងសង់ប្រើប្រាស់នូវជំនាញដែលជាស្តង់ដារប្រទេសចិន។ ផ្លូវល្បឿនលឿននេះដែរបានចាប់ផ្ដើមពីភាគខាងលិចនៃរាជធានីភ្នំពេញ ឆ្លងកាត់ខេត្តកណ្ដាល ខេត្តកំពងស្ពឺ និង ខេត្តកោះកុង រហូតដល់ខេត្ដព្រះសីហនុ។ សូមបញ្ជាក់ផងដែរថា បន្ទាប់ពីផ្លូវល្បឿនលឿននេះសាងសង់រួចជាស្ថារពរផ្លូវនេះនិងកាត់បន្ថយការធ្វើដំណើរពី ៥​ ម៉ោងនៅសល់ត្រឹម ២ ម៉ោងប៉ុណ្ណោះ។ ដែលនេះជាហេតុជួយជំរុញការអភិវឌ្ឍសេដ្ឋកិច្ចនិងផ្នែកឧស្សាហកម្ម ពាក់ព័ន្ធ ហើយក៏ជំរុញកំណើនសេដ្ឋកិច្ចកម្ពុជាឱ្យប្រកបដោយប្រសិទ្ធភាពផងដែរ។ ក្នុងនោះផងដែរឧត្តម ស៊ុន​ ចាន់ថុល ទេសរដ្ឋមន្រ្តីនៃក្រសួងសាធារណការ និង ដឹកជញ្ជូន បានមានប្រសាសន៍កាលពីថ្ងៃទៅត្រួតពិនិត្យការដ្ឋានកន្លងទៅថ្មីៗនេះថា «ផ្លូវល្បឿនលឿននេះនឹងចូលរួមចំណែកឱ្យប៉ូលសេដ្ឋកិច្ច ២ គឺពូលសេដ្ឋកិច្ចភ្នំពេញ និង ប៉ូលសេដ្ឋកិច្ច ក្រុងព្រះសីហនុមានការរីកចម្រើនលឿនជាងធម្មតា ដោយសារការធ្វើដំណើរក្រុងព្រះសីហនុគឺលឿនហើយជួយកាត់បន្ថយចំណាយ និងពេលវេលា ការស្ទះចរាចរ នៅលើផ្លូវជាតិលេខ ០៤​ របស់យើងផងដែរ» ។ សូមបញ្ជាក់ថា ផ្លូវល្បឿនលឿននេះ បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩ ហើយគ្រោងនឹងដំណើរការឱ្យបើកសាកល្បងក្នុងកក្កដា ឆ្នាំ២០២២។ ផ្លូវល្បឿនលឿននេះដែរមានប្រវែងសរុបប្រហែល ១៩០,៦៣៣ គីឡូម៉ែត្រសាងសង់ក្នុងទំហំទឹកប្រាក់ ២ ពាន់លានដូល្លារ៕ អត្ថបទ៖ ឌឿក ស្រីនុត រតនៈ