[Rasmei Kampuchea Daily News] - ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំង សួរសុខទុក្ខអនុប្រធានការិយាល័យកិច្ចការទូទៅ ដែលកំពុងសម្រាកព្យាបាលជំងឺ
ដោយៈ ទេពកង្រី/កំពង់ឆ្នាំងៈ នៅព្រឹកថ្ងៃទី១១ ខែឧសភា ឆ្នាំ២០២២ នេះ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំង លោក ឆាយលាភា និងសហការីក្នុងមន្ទីបានអញ្ជើញសាកសួរសុខទុក្ខ លោកស្រី ពិន ចាន់ថេន អនុប្រធានការិយាល័យកិច្ចការទូទៅ ដែលកំពុងសម្រាកព្យាបាលជំងឺ នៅក្នុងមន្ទីរពេទ្យខេត្តកំពង់ឆ្នាំង ដោយពាំនាំនូវថវិកាផ្ទាល់ខ្លួនចំនួន ៤០០.០០០រៀល ថវិកាការិយាល័យកិច្ចការទូទៅចំនួន ១០០.០០០រៀល ថវិកាការិយាល័យផែនការ-ហិរញ្ញវត្ថុ ចំនួន ១៣០.០០០រៀល និងថវិកានារីមន្ទីរ ចំនួន ១០០.០០០រៀល សរុបថវិកាចំនួន ៧៣០.០០០រៀលឧបត្ថម្ភជូនលោកស្រីផងដែរ។
នាឱកាសនោះ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំង ក៏បានជូនពរដល់លោកស្រី ពិន ចាន់ថេន ឆាប់ជាសះស្បើយដើម្បីថែទាំក្រុមគ្រួសារ និង បានបំពេញការងារនៅអង្គភាពដូចធម្មតាវិញ។
លោកស្រី ពិន ចាន់ថេន ក៏បានគោរពថ្លែងអំណរគុណលោកឆាយ លាភា ប្រធានមន្ទីរ និង សហការី ដែលតែងតែយកចិត្តទុក្ខដាក់ចំពោះមន្ត្រីរាជការក្រោមឱវាទគ្រប់ពេលវេលា៕
