[ANN] - អ្នកជំនាញការ ជប៉ុន៣នាក់ ត្រូវបានបំពាក់គ្រឿងឥស្សរិយស ដោយរដ្ឋមន្ត្រីក្រសួងសាធារណៈការ
2018-03-23
Go to the website published ANN
រាជធានីភ្នំពេញ៖ អ្នកជំនាញការ ជនជាតិជប៉ុន៣នាក់ ដែលបម្រើការងារនៅក្រសួងសាធារណៈការ និងដឹកជញ្ជូន គឺលោក
TaizoCHIBA, លោកHidetoshi KUME និងលោក Koichi OGAWA កាលពីថ្ងៃទី ២២ ខែមីនា ឆ្នាំ២០១៨ បានទទួលការបំពាក់គ្រឿងឥស្សរិយស ពីឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។
ជាមួយគ្នាឯកឧត្តមរដ្ឋមន្ត្រី ក៏បានគូសបញ្ជាក់ផងដែរពីសមិទ្ធផលសំខាន់ៗដែលសម្រេចបានក្រោមការជួយជ្រោមជ្រែងពីក្រុមជំនាញការជប៉ុនដែលមានរួមដូចជា៖ ការអភិវឌ្ឍបណ្តាញផ្លូវថ្នល់កម្ពុជា, កិច្ចសហប្រតិត្តិការបច្ចេកទេសលើការថែទាំជួសជុលផ្លូវថ្នល់,កិច្ចសហប្រតិបត្តិការបច្ចេកទេស ស្តីពីការអភិវឌ្ឍកំពង់ផែក្រុងព្រះសីហនុ, គម្រោងកំពង់ផែប្រើប្រាស់ប្រព័ន្ធEDI, ការជួសជុលថែទាំស្ពាន គម្រោងផ្លូវ ល្បឿនលឿន និងគម្រោងមេភស្តុភារកម្ម ជាដើម។
ក្នុងនោះឯកឧត្តម ក៏បានថ្លែងអំណរគុណយ៉ាងជ្រាលជ្រៅ ដល់ក្រុមជំនាញការទាំងអស់ដែលបានខិតខំប្រឹងប្រែងបំពេញការងារជួយដល់ក្រសួង ជាពិសេសអង្គការ JICA ក៏ដូចជារដ្ឋាភិបាលជប៉ុន ដែលតែងតែជួយគាំទ្រកម្ពុជា ក្នុងការអភិវឌ្ឍន៍ហេដ្ឋារចនាសម្ព័ន្ធឱ្យមានការរីកចម្រើន៕
