បានកំណត់រយៈពេលបីខែដើម្បីឱ្យក្រុមហ៊ុនបញ្ចប់របាយការណ៍ពេញលេញ ត្រឹមត្រូវ និងមានស្តង់ដារនៃការសិក្សាគម្រោងល្បឿនលឿនភ្នំពេញ-បាវិត។ ពេលវេលាត្រូវបានកំណត់នៅក្នុងកិច្ចប្រជុំមួយនៅថ្ងៃទី៧ ខែមេសា រវាងគណៈប្រតិភូ ដឹកនាំដោយរដ្ឋលេខាធិការ លោក សូរ វុិចទ័រ និង ក្រុមហ៊ុន China Railway International Group Co., Ltd. តំណាងក្រុមហ៊ុន Royal Group ព្រមទាំងមានការចូលរួមពីក្រុមបច្ចេកទេសរបស់ក្រសួងផងដែរ។ ក្រុមហ៊ុនចិនត្រូវបានជំរុញឱ្យបញ្ចប់ការសិក្សារបស់ខ្លួនឱ្យបានទាន់ពេលវេលា ដើម្បីចាប់ផ្តើមការសាងសង់ល្បឿនលឿនភ្នំពេញ-បាវិតឱ្យបានឆាប់។ ក្រុមហ៊ុន China Railway International Group Co., Ltd បានបង្ហាញការរចនាចំនួនបីសម្រាប់ការសាងសង់គម្រោងល្បឿនលឿនភ្នំពេញ-បាវិត នៅថ្ងៃទី០៧ ខែកញ្ញា។ របាយការណ៍សិក្សារបស់ក្រុមហ៊ុនបានអោយដឹងថា យោង​តាម​ទីតាំង​ភូមិសាស្ត្រ និង​ផល​ប៉ះពាល់ ​នេះ​នឹង​ត្រូវ​រចនា​ក្នុង​ល្បឿន​អតិបរមា ១២០ គីឡូម៉ែត្រ​ក្នុង​មួយ​ម៉ោង ស្រប​តាម​អនុស្សរណៈ​នៃ​ការ​យោគយល់​គ្នា (MoU) រវាង​កម្ពុជា និង​វៀតណាម។ រដ្ឋលេខាធិការ ឯកឧត្តម សូរ វុិចទ័រ មានប្រសាសន៍ថា ក្រសួង និងរដ្ឋាភិបាលត្រូវសិក្សាឱ្យបានហ្មត់ចត់នូវជម្រើសទាំងបីមុននឹងធ្វើការសម្រេចចិត្ត។ លោក​បន្ត​ថា​៖ «​ការ​ជ្រើសរើស​ជម្រើស​មួយ​ណា​ត្រូវ​ផ្តោត​លើ​ក្របខណ្ឌ​នៃ​ផល​ប៉ះពាល់​សង្គម សេដ្ឋកិច្ច និង​សំណង់។ លោកបានបន្ថែមថា “យើងក៏ត្រូវរង់ចាំលទ្ធផលនៃរបាយការណ៍ហិរញ្ញវត្ថុពីក្រុមហ៊ុននៅពាក់កណ្តាលខែតុលា ឆ្នាំ២០២០ ដែលនឹងត្រូវបានប្រើជាមូលដ្ឋានសម្រាប់ការសម្រេចចិត្តផងដែរ” ។ គម្រោង​នេះ​ត្រូវ​ចំណាយ​ថវិកា​ប្រមាណ​ជាង ២​ពាន់​លាន​ដុល្លារ ហើយ​នឹង​មាន​ប្រវែង​សរុប ១៣៥​គីឡូម៉ែត្រ កាត់​តាម​ខេត្ត​កណ្តាល ព្រៃវែង និង​ស្វាយរៀង មុន​នឹង​ទៅ​ដល់​ច្រក​ទ្វារ​ព្រំដែន​បាវិត ដែល​មាន​ព្រំដែន​ជាមួយ​ប្រទេស​វៀតណាម។ ល្បឿនលឿនដំបូងគេនៅកម្ពុជា គឺល្បឿនលឿនភ្នំពេញ-ព្រះសីហនុ ដែលបច្ចុប្បន្នកំពុងសាងសង់។ នេះនឹងត្រូវបានដាក់អោយប្រើប្រាស់បណ្តោះអាសន្ននាពេលខាងមុខនេះ។ ជា វណ្ណៈ – ទីភ្នាក់ងារសារព័ត៌មានកម្ពុជា AKP/ខ្មែរថាមស៍