រថយន្ត១គ្រឿងទៀតត្រូវបានក្រុមការងារស្ថានីយ៍ថ្លឹងរថយន្តអចល័ត​ អូរពោធិ–ព្រះវិហារ​ ធ្វេីការពិន័យទៅតាមច្បាប់បន្ទាប់ពីរកឃេីញដឹកជញ្ជូនលេីសទម្ងន់កំណត់។ លោកសំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារបានអោយដឹងថា៖ នៅថ្ងៃទី ១៧ខែមីនា ឆ្នាំ​ ២០២២នេះ ស្ថានីយថ្លឹងរថយន្ដអចល័តអូរពោធិ៍–ព្រះវិហារ​ នៃមន្ទីរសាធារណការនិងដឹកជញ្ជូនខេត្តព្រះវិហារ​ បានបន្តឃាត់រថយន្ដដឹកជញ្ជូនលើសទម្ងន់កម្រិតកំណត់ ០១គ្រឿងទៀត(ដឹកខ្សាច់)។ដោយអនុវត្តន៍ទៅតាមច្បាប់​ ក្រុមការងារបានធ្វើការផាកពិន័យ​ និងឲ្យផ្ទេរទំនិញដែលលើសចេញ​ ជាមួយនឹងការធ្វើកិច្ចសន្យាបញ្ឈប់ការដឹកជញ្ជូនលើសទម្ងន់កម្រិតកំណត់។ លោកសំ លាងទ្រី បានសូមបងប្អូនចូលរួមថែរក្សាផ្លូវជាតិរបស់យេីង​ ប្រយោជន៍ឲ្យការប្រេីប្រាស់បានយូរអង្វែង​ និងសូមមេត្តាបញ្ឈប់ការដឹកជញ្ជូនទំនិញគ្រប់ប្រភេទលេីកទម្ងន់កំណត់តទៅទៀត៕