(ភ្នំពេញ)៖ នាវាកងកម្លាំងស្វ័យការពារជើងទឹកជប៉ុន នឹងធ្វើទស្សនកិច្ចនៅប្រទេសកម្ពុជាជាលើកដំបូង ក្នុងរយៈពេលបីថ្ងៃកន្លងមកនេះ ដោយចាប់ផ្តើមពីថ្ងៃទី១៥ ដល់១៧ ខែមីនា។ នេះបើតាមព័ត៌មានដែល Swift News ទទួលបានពីស្ថានទូតជប៉ុនប្រចាំកម្ពុជា នៅថ្ងៃទី១៤ ខែមីនានេះ។ស្ថានទូតជប៉ុន បានឲ្យដឹងថា ឆ្នាំនេះកត់សំគាល់នូវខួបលើកទី៣០ នៃការបញ្ជូនកងរក្សាសន្តិភាពរបស់ប្រទេសជប៉ុន មកបំពេញបេសកកម្មនៅកម្ពុជា ដែលនោះជាការបញ្ជូនកងរក្សាសន្តិភាពរបស់ជប៉ុន ចេញក្រៅប្រទេសជាលើកដំបូងបំផុត។ «យើងសង្ឃឹមថា ក្នុងឆ្នាំខួបអនុស្សាវរីយ៍នេះ យើងនឹងបន្តអភិវឌ្ឍនូវទំនាក់ទំនងក្នុងវិស័យសហប្រតិបត្តិការការពារជាតិរវាងប្រទេសទាំងពីរ»។ នេះជាការលើកឡើងរបស់ស្ថានទូតជប៉ុន៕