លោក ហ៊ាង សុទ្ធាយុត្តិ អ្នកនាំពាក្យ បានថ្លែងបដិសេធលើបញ្ហាប្រើឈ្មោះមន្ត្រីក្រសួងរត់ការធ្វើឯកសារយានយន្ត។ ការបដិសេធបែបនេះ បន្ទាប់ពីមានករណីគណនីហ្វេសប៊ុកមួយចំនួន បានបង្កើតឡើងដើម្បីបន្លំឆបោកប្រជាពលរដ្ឋដោយដើរតួជាមន្ត្រីក្រសួងរត់ការឯកសារយាយយន្ត។ លោក ហ៊ាង សុទ្ធាយុត្តិ បញ្ជាក់ថា ក្រសួងមិនអនុញ្ញាតឱ្យបុគ្គលណា ឬក្រុមបក្ខពួកណាធ្វើជាតំណាងក្រសួងដើម្បីទៅធ្វើឯកសារយានយន្តជាលក្ខណៈទូទៅនោះទេ។ ករណីឆបោកដែលបានកើតឡើងកន្លងមក ក្រសួងក៏បានប្ដឹងទៅសមត្ថកិច្ចជំនាញដើម្បីឱ្យជួយក្នុងការអន្តរាគម ខណៈដែលការបោកប្រាស់តាមប្រព័ន្ធបណ្ដាញសង្គមគឺមានច្រើនសណ្ឋាន និងងាយស្រួលពេកនៅពេលដែលបងប្អូនប្រជាពលរដ្ឋ ចង់រកសេវាកាត់ ដោយទាក់ទងទៅគេ ផ្ញើព័ត៌មាន ឯកសារ ជាពិសេសគឺផ្ញើថវិការឱ្យគេ ពេលគេបានថិវិការហើយគេលែងទទួលទូរស័ព្ទនៅពេលដែលទាក់ទងទៅ។ បើតាមមន្ត្រីនាំពាក្យរូបនេះ ដើម្បីចៀសវាងរងនូវករណីឆបោក សុំឱ្យបងប្អូនប្រជាពលរដ្ឋទៅទទួលសេវាសាធារណៈ ដែលនៅទីកន្លែងកំណត់ដោយ ដែលមាននៅទីស្ដីការក្រសួង ផ្សារទំនើប Aeon I និង Aeon II អង្គភាពច្រកចេញ-ចូលតែមួយ រាជធានី-ខេត្ត និងការិយាល័យច្រកចេញចូលតែមួយក្រុង ស្រុក ខណ្ឌ។ ក្រៅពីនេះ ប្រជាពលរដ្ឋអាចធ្វើការដាក់ពាក្យតាមប្រព័ន្ធ​អនឡាញដោយខ្លួនឯងបានទៅលើ​សេវាមួយចំនួន ដូចជាការយានយន្ត ធ្វើប័ណ្ណ និងយានយន្តក្ដី៕