សេចក្តីប្រកាសព័ត៌មានរបស់ក្រសួងសាធារណការ និងដឹកជញ្ជូនបានឲ្យដឹងថា ប្រទេសកម្ពុជា នៅថ្ងៃពុធនេះបានសម្ពោ​ធ​​កំពង់ផែទេសចរណ៍តម្លៃ ១,២ លានដុល្លារអាមេរិកនៅទីក្រុងមាត់សមុទ្រនៃខេត្តកែប ក្នុងគោលបំណងទាក់ទាញភ្ញៀវទេសចរបរទេសកាន់តែច្រើនមកកាន់ខេត្តកែបភាគនិរតីក្នុងសម័យជំងឺកូវីដ-១៩។ ថ្លែងក្នុងពិធីនោះ រដ្ឋមន្ត្រីក្រសួងដឹកជញ្ជូនកម្ពុជា លោក ស៊ុន ចាន់ថុល បាននិយាយថា កំពង់ផែដែលសាងសង់លើផ្ទៃដីសរុប ៣,៤៧០ ម៉ែត្រការ៉េ អាចផ្ទុកនាវាទេសចរណ៍ចំនួន ៣ គ្រឿង ដែលមានសមត្ថភាពផ្ទុកអ្នកដំណើរបាន ១៥០ នាក់ និងទូកទេសចរណ៍តូចៗមួយចំនួន។ លោកបានបន្តទៀតថា “នេះគឺជាព្រឹតិ្តការណ៍ថ្មីមួយនៅក្នុងវិស័យទេសចរណ៍ បន្ទាប់ពីប្រទេសរបស់យើងបានបើកព្រំដែនឡើងវិញសម្រាប់ភ្ញៀវទេសចរដែលបានចាក់វ៉ាក់សាំងយ៉ាងពេញលេញ។ “យើងសង្ឃឹមថាកំពង់ផែនេះនឹងជួយទាក់ទាញភ្ញៀវទេសចរកាន់តែច្រើនមកកាន់ខេត្តឆ្នេរសមុទ្រនេះក្នុងរយៈពេលក្រោយការរាតត្បាតនៃជំងឺ” ។ កំពង់ផែដែលមានរាងដូចក្តាម និងផ្តល់សេវាកម្មដល់កោះទន្សាយ លាតសន្ធឹងប្រហែល៣០៦ ម៉ែត្រពីដីគោកចូលទៅក្នុងសមុទ្រ និងមានទទឹង៦៨ ម៉ែត្រ នេះបើយោងតាមផែនការមេរបស់វា។ ទេសចរណ៍គឺជាសសរស្តម្ភមួយក្នុងចំណោមសសរស្តម្ភទាំងបួនដែលជួយដល់សេដ្ឋកិច្ចរបស់កម្ពុជា។ យោងតាមក្រសួងទេសចរណ៍បានឱ្យដឹងថា ប្រទេសនេះទទួលបានភ្ញៀវទេសចរអន្តរជាតិរហូតដល់ ៦.៦១ លាននាក់ក្នុងឆ្នាំ២០១៩ ដែលបង្កើតប្រាក់ចំណូលសរុបចំនួន ៤.៩២ ពាន់លានដុល្លារអាមេរិក។ ក្រសួងបាននិយាយថា ប៉ុន្តែដោយសារជំងឺរាតត្បាត វិស័យនេះបានទាក់ទាញភ្ញៀវទេសចរបរទេសត្រឹមតែ ១៦៣,៣៦៦ នាក់ក្នុងអំឡុងខែមករាដល់ខែវិច្ឆិកាក្នុងឆ្នាំ២០២១ ធ្លាក់ចុះ ៨៧ ភាគរយពី ១.២៨ លាននាក់ក្នុងរយៈពេលដូចគ្នាក្នុងឆ្នាំ ២០២០ ។ ប្រទេស​កម្ពុជា​មាន​ឆ្នេរសមុទ្រ​ដ៏​ស្អាត​លាតសន្ធឹង​ប្រវែង ៤៥០ គីឡូម៉ែត្រ​ក្នុង​ខេត្ត​ភាគ​និរតី​ចំនួន ៤ គឺ​ខេត្ត​កោះកុង ព្រះសីហនុ កំពត និង​កែប៕