នៅថ្ងៃទី៧ ខែកុម្ភៈ ឆ្នាំ២០២២ ខាងមុខ សម្ដេចតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា នឹងអញ្ជើញជាអធិបតីក៏ខ្ពង់ខ្ពស់ក្នុងពិធីសម្ភោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ ៧ ។ នេះបើយោងតាមសេចក្ដីជូនដំណឹងរបស់រដ្ឋបាលខេត្ដក្រចេះ នៅថ្ងៃទី១៨ ខែមករា ឆ្នាំ២០២២។ ដូច្នេះដើម្បីឲ្យកម្មវិធីខាងលើប្រព្រឹត្ដទៅដោយរលូន រក្សាបាននូវសន្ដិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរ រដ្ឋបាលខេត្ដនឹងបញ្ជៀសយានយន្ដគ្រប់ប្រភេទដែលធ្វើដំណើរឆ្លងកាត់តាមកំណាត់ផ្លូវជាតិលេខ៧ (ខ្លាស្ទុះ-អូរច្រឡង់) នៅថ្ងៃទី៧ ខែកុម្ភៈ ខាងមុខចាប់ពីវេលាម៉ោង ៥ ព្រឹក រហូតដល់កម្មវិធីត្រូវបញ្ចប់ និងមានទិបញ្ចៀសចរាចរដូចខាងក្រោម៖ ១. ទិសដៅ (ក្រចេះ-ស្ទឹងត្រែង) ចំពោះរថយន្ដធុនធំគ្រប់ប្រភេទទម្ងន់សរុបចាប់ពី ១០ តោនឡើង ត្រូវផ្អាកចរាចរនៅចំណុចស្អាន ពាមទេរ ស្ថិតនៅក្នុងភូមិតាលុះ ឃុំបូសលាវ ស្រុកចិត្របុរី ដើម្បីបញ្ចៀសការកកស្ទះចរាចរនៅក្នុងក្រុងក្រចេះ។ ចំពោះយានយន្ដទេសចរណ៍ រថយន្ដធនតូច និងម៉ូតូ សូមបង្វែរចរាចរធ្វើដំណើរកាត់តាមផ្លូវកន្ទ្រីង ជាប់វិទ្យាល័យ ខូវ ប៊ុនស៊ុន បំបែកពីផ្លូវខេត្ដលេខ ៣៧៧ ត្រង់គីឡូម៉ែត្រ ០៣+១០០ ខាងឆ្វេងដៃ ស្ថិតនៅក្នុងសង្កាត់អូរឫស្សី ក្រុងក្រចេះ ឆ្ពោះទៅចំណុចផ្លូវបំបែកជាមួយផ្លូវជាតិលេខ៧ ត្រង់គីឡូវម៉ែត្រ ៣៣៧+១០០ ស្ថិតក្នុងភូមិបន្ទាយ ឃុំគោលាប់ ស្រុកចិត្របុរី។ ២. ទិសនៅ (ស្ទឹងត្រែង-ក្រចេះ) ចំពោះរថយន្ដធុនធំគ្រប់ប្រភេទទម្ងន់សរុបចាប់ពី ១០ តោនឡើង ត្រូវផ្អាកចរាចរនៅចំណុចផ្លូវជាតិលេខ ៧ ត្រង់គីឡូម៉ែត្រ ៣៣៧+១០០ ស្ថិតក្នុងភូមិបន្ទាយ ឃុំគោលាប់ ស្រុកចិត្របុរី ចំពោះយានយន្ដទេសចរណ៍ រថយន្ដធុនតូច និងម៉ូត សូមបង្វែរចរាចរធ្វើដំណើរកាត់តាមផ្លូវចំណុចផ្លូវជាតិ ៧ ត្រង់គីឡូម៉ែត្រ ៣៣៧+១០០ ខាងស្ដាំដៃ ស្ថិតក្នុងភូមិបន្ទាយ ឃុំគោលាប់ ស្រុកចិត្របុរី ឆ្ពោះទៅចំណុចផ្លូវកន្ទ្រឹង ជាប់វិទ្យាល័យ ខូវ ប៊ុនស៊ុន បំបែកពីផ្លូវខេត្ដលេខ ៣៧៧ ត្រង់គីឡូម៉ែត្រ០៣+១០០ ស្ថិតនៅក្នុងសង្កាត់ឫស្សីក្រុងក្រចេះ ៣. ទិញដៅ(ស្ទឹងត្រែង-ស្នូល) និង (ស្នូល-ស្ទឹងត្រែង) ចំពោះរថយន្ដធុនធំគ្រប់ប្រភេទដែលមានទម្ងន់ចាប់ពី ១០ តោនឡើង ត្រូវផ្អាកនៅចំណុចផ្លូវជាតិលេខ៧ ត្រង់គីឡូម៉ែត្រ៣៣៧+២០០ ស្ថិតនៅក្នុងភូមិបន្ទាយ ឃុំគោលាប់ ស្រុកចិត្របុរី សម្រាប់ទិសដៅ (ស្ទឹងត្រែង-ស្នូល) និងផ្ទាកចរាចរនៅចំណុចផ្លូវជាតិលេខ៧ ត្រង់គីឡូម៉ែត្រលេខ ៣៣០+០០០ ស្ថិតនៅក្នុងភូមិស្រែស្ពៅ សង្កាត់ឫស្សី ក្រុងក្រចេះ សម្រាប់ទិសដៅ (ស្នូល-ស្ទឹងត្រែង) ចំពោះយានយន្ដទេសចរណ៍ រថយន្ដធុនតូច និងម៉ូតូ ត្រូវបង្វែរចរាចរធ្វើដំណើរតាមចំណុចផ្លូវ បំបែកជាមួយផ្លូវជាតិលេខ ៧ ត្រង់គីឡូម៉ែត្រ៣៣៧+១០០ ខាងស្ដាំដៃ ស្ថិតក្នុងភូមិបន្ទាយ ឃុំគោលាប់ ស្រុកចិត្របុរី ឆ្ពោះទៅចំណុចផ្លូវកន្ទ្រឹង ជាប់វិទ្យាល័យ ខូវ ប៊ុនស៊ុន បំបែកពីផ្លូវខេត្ដលេខ៣៧៧ ត្រង់គីឡូម៉ែត្រ០៣+១០០ ស្ថិតក្នុងសង្កាត់អូរឫស្សី ក្រុងក្រចេះ សម្រាប់ទិសដៅ (ស្ទឹងត្រែង-ស្នួល) និង (ស្នួល-ស្ទឹងត្រែង)។ ជាមួយគ្នានេះ រដ្ឋបាលខេត្ដក៏សូមមានការយោគយល់ និងអធ្យាស្រ័យ និងបញ្ចៀសការធ្វើដំណើរឆ្លងកាត់តាមការលបរិច្ឆេទ និងកំណាត់ផ្លូវខាងលើដោយក្ដីអនុគ្រោះផងដែរ។ ដូច្នេះទេ សម្រាប់អ្នកធ្វើដំណើរទាំងអស់ដែលត្រូវធ្វើដំណើរឆ្លងកាត់ទីតាំងខាងលើនេះ នៅថ្ងៃទី៧ ខែកុម្ភៈ សូមជ្រាបជាដំណឹងហ្នឹងធ្វើដំណើរតាមផ្លូវវាងដែលរដ្ឋបាលខេត្ដបានបញ្ជាក់នៅខាងលើ៕