[Phnompenhthmey] - លោកលូ គឹមឈុន៖ ចំណតផែកុងតឺនរ័ថ្មីជំហ៊ានទី២គ្រោងនឹងបញ្ចប់នៅឆ្នាំ២០២៨ខាងមុខ
2021-12-09
Go to the website published Phnompenhthmey
លោកលូ គឹមឈុន ប្រតិភូរាជរដ្ឋាភិបាល ទទួលបន្ទុកប្រធានអគ្គនាយកកំពង់ផែស្វយត័ក្រុងព្រះសីហនុ បានឲ្យដឹងថា ការសាងសង់ចំណត ផែកុងតឺន័រថ្មី-ជំហានទី២ គ្រោង បញ្ចប់ នៅឆ្នាំ២០២៨ ខាងមុខ ខណ ជំហានទី៣ គ្រោងនឹងបញ្ចប់ នៅឆ្នាំ២០៣០ផងដែរ។ លោកបញ្ជាក់ថាការសាងសង់នេះ គឺ ដើម្បីបំពេញតម្រូវការជាក់ស្តែង នៃការកើនឡើង បរិមាណ កុងតឺន័រ ឆ្លងកាត់កំពង់ផែនេះ ជាមួយនឹងការព្យាករណ៍ កំណើនផលិតផលក្នុង ស្រុកសរុប (GDP) របស់កម្ពុជា។
លោក លូ គឹមឈន់បានថ្លែងដូច្នេះ ក្នុងឱកាសជំនួប ជាមួយលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន កាលពីម្សិលមិញ។
លោកបានបញ្ជាក់បន្ថែមថា គម្រោងសាងសង់ចំណត ផែកុងតឺន័រថ្មី -ជំហានទី២ និងជំហានទី៣ គឺដើម្បីធានាដល់ ការចូលចតនាវា កុងតឺន័រខ្នាតធំៗ ប្រចាំតំបន់អាស៊ី-ប៉ាស៊ីហ្វិក និងឆ្លើយតបទៅនឹងការកើនឡើង នៃបរិមាណកុងតឺន័រ ឆ្លងកាត់កំពង់ផែមួយនេះ ក្នុងពេលបច្ចុប្បន្ន និងអនាគត។
សូមជម្រាបដែរថា កំពង់ផែស្វយ័តក្រុងព្រះសីហនុ បានដាក់ចេញ ផែនការអភិវឌ្ឍ រយៈពេលវែង ក្រោយឆ្នាំ ២០៣០ ដើម្បីពង្រឹង និងពង្រីកសមត្ថភាព នៃការផ្តល់សេវា ជូនអតិថិជន ក្នុងនោះរួមមាន គម្រោងកសាងចំណត កុងតឺន័រទី៤ ប្រវែង ១.៣០០ ម៉ែត្រ គុណនឹង ៥៥០ ម៉ែត្រ ចំណតកុងតឺន័រទី៣ ប្រវែង ១.០៥០ ម៉ែត្រ គុណនឹង ៥៥០ ម៉ែត្រ ចំណត កុងតឺន័រថភ្លើង ប្រវែង ២៥០ ម៉ែត្រ គុណនឹង ១.៧០០ ម៉ែត្រ អភិវឌ្ឍតំបន់រដ្ឋបាល និងសេដ្ឋកិច្ច ៥៤ ហិកតា និងតំបន់គយត្រួតពិនិត្យទំនិញ ប្រវែង ៦៥០ ម៉ែត្រ គុណនឹង ២០០ ម៉ែត្រ។
ចំពោះ ផែនការអភិវឌ្ឍរយៈពេលខ្លី ឆ្នាំ២០១៧-២០២៥ កំពង់ផែស្វយ័ត ក្រុងព្រះសីហនុ មានផែនការអភិវឌ្ឍកំពង់ផែទឹកជ្រៅ ចំណតកុងតឺន័រ ជម្រៅ ១៤,៥ ម៉ែត្រ ក្នុងនោះមាន គម្រោងកសាងកំពង់ផែ ទឹកជ្រៅ ចំណតកុងតឺន័រ ជំហានទីមួយ ប្រវែង ៣៥០ ម៉ែត្រ ជំហានទីពីរ ប្រវែង ៣០០ ម៉ែត្រ និងជំហានទីបី ប្រវែង ៣០០ ម៉ែត្រ។៕
