ក្រុមកាងារ ស.ស.យ.ក វិស័យសាធារណការ និងដឹកជញ្ជូន ចូលរួមអបអរសាទរពិធីខួបទី៤៣ ថ្ងៃកំណើត ស.ស.យ.ក (០២.ធ្នូ.១៩៧៨-០២.ធ្នូ.២០២១) ថ្ងៃអាទិត្យ ៩ រោច ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែវិច្ឆិកា ឆ្នាំ២០២១ លោក ច្រៀង ផល័ក្ខ អនុប្រធានក្រុមការងារស.ស.យ.ក វិស័យសាធារណការ និងដឹកជញ្ជូន តំណាង លោក ឈួន វិន ប្រធានក្រុមការងារស.ស.យ.ក វិស័យសាធារណការ និងដឹកជញ្ជូន បានអញ្ជើញដឹកនាំ ក្រុមការងារ ស.ស.យ.ក វិស័យសាធារណការ និងដឹកជញ្ជូន ចូលរួមពិធីអបអរសាទរខួបទី៤៣ ថ្ងៃកំណើត សហភាពសហព័ន្ធយុវជនកម្ពុជា តាមរយៈការផ្សាយផ្ទាល់នៅលើទំព័រហ្វេសបុកផ្លូវការសហភាពសហព័ន្ធយុវជនកម្ពុជា ដោយមានការចូលរួមពីលោក លោកស្រី អនុប្រធានក្រុមការងារ លោក លោកស្រីប្រធានផ្នែក និងសមាជិក សមាជិកា ស.ស.យ.ក វិស័យសាធារណការ និងដឹកជញ្ជូន។ ស.ស.យ.ក. ចាប់បដិសន្ធិនៅថ្ងៃទី០២ ខែធ្នូ ឆ្នាំ១៩៧៨ ក្រោមបុព្វហេតុជាតិមាតុភូមិ និងបានចូលរួមជាបន្តបន្ទាប់ក្នុងដំណើរស្វែងរកសុខសន្ដិភាពជូនប្រជាពលរដ្ឋកម្ពុជា ដែលត្រូវបានរងទុក្ខវេទនាក្នុងរបបប្រល័យពូជសាសន៍។ ក្នុងរយៈពេល ៤៣ឆ្នាំ ស.ស.យ.ក. នៅតែថែរក្សា និងបន្ដស្មារតី ២ធ្នូ ដែលជាស្មារតីលះបង់ និងដាក់ផលប្រយោជន៍បុគ្គលដោយឡែក ហើយរួបរួមសាមគ្គីគ្នាដាក់ផលប្រយោជន៍ជាតិជាធំ ដែលស្របតាមទិសស្លោក "យុវជនក្នុងបុព្វហេតុមាតុភូមិ"។ ជយោ! ស្មារតី០២ ធ្នូ ជាអមតៈ សូមជម្រាបជូនថា ពិធីអបអរសាទរខួបលើកទី៤៣ នៃថ្ងៃ កំណើត សហភាព សហព័ន្ធ យុវជនកម្ពុជា ក្រោមអធិបតីភាព ឯកឧត្តម ហ៊ុន ម៉ានី ប្រធានស.ស.យ.ក. នៅទីតាំងអគារខេមរានី នៃស.ស.យ.ក. រាជធានីភ្នំពេញ និងមានការផ្សាយផ្ទាល់ (LIVE) ជូនដល់សមាជិក សមាជិកា និង សាធារណជន តាមរយៈ ទំព័រ Facebook ផ្លូវការ របស់សហភាពសហព័ន្ធយុវជនកម្ពុជា និងទំព័រផ្លូវការរបស់ឯកឧត្តម ហ៊ុន ម៉ានី។