(ត្បូងឃ្មុំ)៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន មានប្រសាសន៍ ពីទឹកដីខេត្តត្បូងឃ្មុំមកថា ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មា ភ្ជាប់រវាងថ្នាក់ដឹកនាំប្រទេស រវាងខេត្ត និងស្រុក រវាងបុគ្គល និងបុគ្គល។ សម្តេចតេជោ ហ៊ុន សែន បញ្ជាក់ថា«ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មា ជាស្ពាន «ភ្ជាប់និស្ស័យ» ដែលភ្ជាប់និស្ស័យរវាងថ្នាក់ដឹកនាំប្រទេស រវាងខេត្ត និងស្រុក និងរវាងបុគ្គល និងបុគ្គល»។ ស្ពានមិត្តភាពកម្ពុជា-ចិន គឺជាចំណងទាក់ទងធំធេងណាស់ ដែលមានចំណង រវាងកម្ពុជា-ចិន រវាងកំពង់ចាម-ត្បូងឃ្មុំ និងទាក់ទង ស្ទឹងត្រង់-ក្រូចឆ្មារ និងទាក់ទងមួយទៀតគឺ គូរស្រករក្នុងប្រទេសតែម្តង រួមទាំងភ្ជាប់និស្ស័យរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផងដែរ៕