នាថ្ងៃអង្គារ ៥រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៦ ខែតុលា ឆ្នាំ២០២១ ក្រុមការងារការិយាល័យត្រួតពិនិត្យ និងវាយតម្លៃសុវត្ថិភាព​ចរាចរណ៍ នៃនាយកដ្ឋាន​សុវត្ថិភាព​​ចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក បានចុះធ្វើការ​តំឡើង និងដំណើរ​ការឧបករណ៍​រាប់ចំនួនយានយន្ត និងល្បឿនយានយន្ត នៅតាមបណ្តោល​ផ្លូវជាតិ​លេខ៦ ចន្លោះ​គីឡូម៉ែត្រលេខ ១៥០-១៥១ ដោយមានការចូលរួមសហការពីមន្ត្រីនៃមន្ទីរសាធារណការ និងដឹក​ជញ្ជូន​ខេត្ត​កំពង់ធំ និងលោកស្នងការរងទទួលផែនចរាចរណ៍ នៃស្នងការដ្ឋាននគរបាលខេត្តកំពង់ធំ។ ជា​លទ្ធផល​ក្រុម​ការងារ​ទទួល​បានទិន្នន័យ​ដូចខាងក្រោម៖ ១-ចំនួនយានចរាចរណ៍ប្រចាំថ្ងៃជាមធ្យមក្នុងមួយឆ្នាំ (Annual Average Daily Traffic (AADT)) នៅក្នុងទីតាំងនោះគឺ ១៣,៥៣៧ យាន ២-យាន ៤៧.៥% ជាប្រភេទរថយន្តគ្រួសារ និង ២៦.២% ជាម៉ូតូ ៣-ល្បឿនបើកបររបស់យានទាបបំផុត ៨Km/h និងខ្ពស់បំផុត ១៥៣Km/h (ដែលការកំណត់​ល្បឿន​នៅទីតាំងនោះត្រឹម ៤០Km/h ព្រោះជាតំបន់សាលារៀន) ហើយ ៨៥% ​នៃ​ល្បឿន​បើកបរ​យាន​នៅទីតាំងនោះគឺ ៧៨.៨៤Km/h