នៅថ្ងៃពុធ ៩កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៥ ខែកញ្ញា ឆ្នាំ២០២១ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានដឹកនាំក្រុមការងារនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក សហការជាមួយមន្ទីរសាធារណការ និងដឹកជញ្ជូនខេត្តកណ្តាល បានធ្វើការដំឡើងសាកល្បង ឧបករណ៍រាប់ចំនួនយាន (Metro Count) និងតាមដានល្បឿនរបស់យានដែលធ្វើដំណើរឆ្លងកាត់ នៅតាមបណ្តោយផ្លូវជាតិលេខ៥ ស្ថិតត្រង់ចន្លោះបង្គោលគីឡូម៉ែត្រលេខ ១៥+០០០ដល់ ១៦+០០០ ខេត្តកណ្តាល។