[ANN] - រយៈពេល១៨ថ្ងៃ គណៈកម្មការចំរុះខេត្តព្រៃវែង កាត់ទ្រុងរថយន្តកែឆ្នៃខុសបច្ចេកទេស៤៣គ្រឿង
2018-03-02
Go to the website published ANN
ព្រៃវែង៖ លោក អ៊ុន សុធា ប្រធានមន្ទីរសាធារណៈការ និងដឹកជញ្ជូនខេត្តព្រៃវែង បានឲ្យដឹងថា គិតត្រឹមថ្ងៃទី២៨ចុងខែកុម្ភៈនេះ គឺមានរយៈពេល១៨ថ្ងៃហើយ គណៈកម្មការចំរុះខេត្តព្រៃវែងបានឃាត់រថយន្តធំៗចំនួន៣១៦៦គ្រឿង រកឃើញរថយន្តតទ្រុងខុសបច្ចេកទេសចំនួន៤៣គ្រឿង។
លោកប្រធានមន្ទីរបានបន្តថា សកម្មភាពត្រួតពិនិត្យយានយន្តនេះ ធ្វើឡើងទាំងថ្ងៃទាំងយប់ បានកាត់ទ្រុងរថយន្តចេញ៤៣គ្រឿង ឃាត់រថយន្តដឹកលើសទំងន់១៣គ្រឿង ក្នុងនោះរថយន្តដឹកខ្សាច់ចំនួន៩គ្រឿង រថយន្តដឹកថ្មចំនួន៣គ្រឿង និងរថយន្តដឹកស្រូវចំនួន១គ្រឿង។ ចំពោះរថយន្តដឹកលើសទំងន់ទាំងអស់ ត្រូវបានបញ្ជាឲ្យកាយទំលាក់ចំនួនដែលលើសទាំងអស់។
គួរបញ្ជាក់ផងដែរថា សកម្មភាពត្រួតពិនិត្យយានយន្ត របស់គណៈកម្មការចំរុះខេត្តព្រៃវែង នៅតែបន្តធ្វើរៀងរាល់ថ្ងៃ និងគ្រប់ស្រុកទាំងអស់ទូទាំងខេត្តព្រៃវែង៕
