[Kampuchea Thmey] - ក្តៅៗ ក្រសួងសាធារណការបំភ្លឺជុំវិញសំណង់ស្ពានអាកាសថ្មើរជើងលើកំណាត់ផ្លូវជាតិលេខ ៣ ម្តុំផ្សារត្រាំខ្នារ
2021-06-23
Go to the website published Kampuchea Thmey
ក្រោយមានការរិះគន់ពីសំណង់ស្ពានអាកាសថ្មើរជើងលើកំណាត់ផ្លូវជាតិលេខ ៣ សណ្តូកចុះវែង មន្រ្តីក្រសួងសាធារណការនិងដឹកជញ្ជូនបានបំភ្លឺជុំវិញបច្ចេកទេសក្នុងការសាងសង់ស្ពានអាកាសនេះគឺបានគិតគូរយ៉ាងល្អិតល្អន់លើប្រយោជន៍សម្រាប់អ្នកដំណើរដើរឆ្លងកាត់។
លោក ហ៊ាង សុទ្ធាយុត្តិ ជាអ្នកនាំពាក្យក្រសួងសាធារណការ និងដឹកជញ្ជូន និងជាប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ បានប្រាប់កម្ពុជាថ្មីនៅមុននេះបន្តិច ដោយលើក ៤ ចំណុចលើបច្ចេកទេសនៃគំនិតឌីហ្សាញនៃសំណង់ស្ពានថ្មើរជើងនេះ។
១. សម្រាប់ក្មេងៗ និងមនុស្សចាស់ជរាឆ្លងកាត់ មិនពិបាក មិនហត់
២. អាចអូស ឬរុញទំនិញតិចតួចឆ្លងកាត់បាន
៣. អាចស្រួលអូសឬរុញបងប្អូនជនពិការឆ្លងកាត់បាន
៤. ការលាតត្រដាងជើងស្ពានឱ្យវែង គឺប្រើប្រាស់តែដីចំណីផ្លូវ មិនប៉ះពាល់ដីប្រជាពលរដ្ឋ
បើតាមការបញ្ជាក់បន្ថែមរបស់មន្រ្តីរូបនេះ ការសាងសង់ស្ពានអាកាសថ្មើរជើងនៅលើផ្លូវជាតិលេខ៣ ត្រង់ចំណុចផ្សារត្រាំខ្នារ ដែលស្ថិតនៅចន្លោះរវាងខេត្តតាកែវ និងខេត្តកំពង់ស្ពឺ ដើម្បីឲ្យពលរដ្ឋងាយស្រួលឆ្លងកាត់ កាត់បន្ថយការដើរឆ្លងផ្លូវនាំឲ្យគ្រោះថ្នាក់ចរាចរណ៍ ដោយសារនៅត្រង់ការដ្ឋានស្ពាននេះ ជាទីប្រជុំជនដែលមានពលរដ្ឋធ្វើដំណើរចេញចូលច្រើន។
ស្ពានអាកាសថ្មើរជើងនេះ សាងសង់ឡើងស្របការដ្ឋានផ្លូវជាតិលេខ ៣ ដែលកំពុងស្ថាបនាសម្រេចស្ទើរតែ ១០០ ភាគរយ។ ដោយឡែកការដ្ឋានស្ពានថ្មើរជើងនេះ គ្រោងដាក់ឲ្យដំណើការក្នុងពេលឆាប់ៗខាងមុខនេះ៕
