ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន ដឹកនាំកិច្ចប្រជុំពិនិត្យមើលវឌ្ឍន ភាពការងារប្រចាំខែមីនា នៃគម្រោងអភិវឌ្ឍន៍ប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ (Port EDI) ថ្ងៃអង្គារ ២រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី៣០ ខែមីនា ឆ្នាំ២០២១ នៅទីស្តី ការក្រសួង ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូនបានដឹកនាំកិច្ចប្រជុំ ដើម្បីពិនិត្យមើលវឌ្ឍនភាពការងារប្រចាំខែមីនានៃគម្រោងអភិវឌ្ឍន៍ប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ (Port EDI) ដោយមានការចូលរួមដោយផ្ទាល់ពីថ្នាក់ដឹកនាំក្រសួង មន្ត្រីជំនាញនៃនាយក ដ្ឋានព័ត៌មានវិទ្យានិងទំនាក់ទំនងសាធារណៈ និងមន្រ្តីជំនាញពាក់ព័ន្ធមកពីនាយកដ្ឋាននាវាជំនួញសមុទ្រផងដែរ។ កិច្ចប្រជុំនេះក៏មានការចូលរួមតាមប្រព័ន្ធវីដេអូពីចម្ងាយផងដែរពីតំណាងក្រសួងប្រៃសណីយ៍ និងទូរគមនាគមន៍ តំណាងអគ្គនាយកដ្ឋានគយនិងរដ្ឋាករកម្ពុជា តំណាងកំពង់ផែស្វយ័តភ្នំពេញ តំណាងកំពង់ផែ ស្វយ័តក្រុងព្រះសីហនុ នាយការិយាល័យច្រកទ្វារផ្លូវទឹកនិងកំពង់ផែអន្តរជាតិ មន្ត្រីជំនាញនាយកដ្ឋាន ច្រកទ្វារទី២នៃអគ្គនាយកដ្ឋានអន្តោប្រវេសន៍ អ្នកជំនាញបច្ចេកទេសក្រុមហ៊ុន KYOWA EXEO Corporation (KE) តំណាងទីភ្នាក់ងារJICA ប្រចាំកម្ពុជា និងអ្នកប្រឹក្សាយោបល់ពីក្រុមហ៊ុនMitsubishi Researchផងដែរ។ យោងតាមរបាយការណ៍វឌ្ឍនភាពការងារប្រចាំខែមីនានៃគម្រោងអភិវឌ្ឍន៍ប្រព័ន្ធPort EDI បានឱ្យដឹង ថា៖ ក្រុមការងារគណៈកម្មការPort EDI បានបញ្ចប់ការពិនិត្យឯកសារព្រាងនៃយថាប្រភេទលក្ខខណ្ឌ តម្រូវប្រព័ន្ធ (System Requirement Specification) រួចរាល់ដោយមានការចូលរួមកែសម្រួលពីក្រុម អ្នកជំនាញបច្ចេកទេសក្រុមហ៊ុនKE។ បន្ថែមពីលើនេះ ក្រុមអ្នកជំនាញបច្ចេកទេសក្រុមហ៊ុនKEក៏បានរៀប ចំPrototype ប្រព័ន្ធPort EDI និងបានបញ្ចប់ការរៀបចំកាលវិភាគសម្រាប់ផែនការវាយតម្លៃប្រព័ន្ធPort EDI ដោយមានការចូលរួមពីក្រុមការងារគណៈកម្មការPort EDIផងដែរ។ អង្គប្រជុំបានពិភាក្សាអំពីទិសដៅដែលត្រូវអនុវត្តបន្តសម្រាប់ខែមេសា ឆ្នាំ២០២១ដែលក្នុងនោះ រួមមាន៖ ការសម្រេចទទួលស្គាល់ជាផ្លូវការលើឯកសារព្រាងនៃយថាប្រភេទលក្ខខណ្ឌតម្រូវរបស់ប្រព័ន្ធ (System Requirement Specification) ដោយក្រសួងសាធារណការ និងដឹកជញ្ជូន ការរៀបចំវគ្គបណ្តុះបណ្តាល តាមរយៈប្រព័ន្ធវីដេអូពីចម្ងាយទាក់ទងនឹងការប្រើប្រាស់ប្រព័ន្ធPort EDIដែលមានលក្ខណៈជាPrototype ដល់ក្រុមការងារគណៈកម្មការ Port EDI តំណាងក្រុមហ៊ុននាវានិងភ្នាក់ងារនាវា ការសិក្សាលម្អិតបន្តលើ ផ្នែកស្ថាបត្យកម្មនៃប្រព័ន្ធPort EDI កិច្ចសហការរវាងក្រុមអ្នកជំនាញបច្ចេកទេសក្រុមហ៊ុនKE ជាមួយនឹងនាយកដ្ឋានព័តមានវិទ្យា និងទំនាក់ទំនងសាធារណៈក្នុងការរៀបចំដាក់បញ្ចូលទៅក្នុងប្រព័ន្ធPort EDI ទាក់ទងនឹងការបង់កម្រៃសេវាក្នុងការចេញវិញ្ញាបនបត្រគ្រប់គ្រងការបំពុលពីនាវារបស់ក្រសួងសុខាភិបាល (ចត្តាឡីស័ក)។ ជាមួយគ្នានោះ អង្គប្រជុំក៏បានពិភាក្សាផងដែរអំពីទិសដៅនៃកិច្ចសហការរវាងក្រុមអ្នកជំនាញបច្ចេកទេសក្រុមហ៊ុនKEជាមួយនាយកដ្ឋានព័ត៌មានវិទ្យា និងទំនាក់ទំនងសាធារណៈលើការរៀបចំផលិតQR Code សម្រាប់ប្រព័ន្ធPort EDI និងការពិភាក្សារកដំណោះស្រាយលើការរៀបចំផលិត និងដាក់ឱ្យដំណើរការ ហត្ថលេខាឌីជីថលរវាងក្រុមអ្នកជំនាញបច្ចេកទេសក្រុមហ៊ុនKE ជាមួយនឹងក្រសួងប្រៃសណីយ៍ និង ទូរគមនាគមន៍៕