បន្ទាយមានជ័យ: ការប្រឡងយកប័ណ្ណបើកបរយានយន្តនៅខេត្តបន្ទាយមានជ័យត្រូវបានផ្អាកជាបណ្តោះអាសន្នរយៈពេល ០១សប្តាហ៍ ព្រោះដើម្បីចូលរួមបង្ការទប់ស្កាត់ ការរីករាលដាលជម្ងឺកូវីត១៩ ក្នុងសហគមន៍នៃកម្ពុជា។ មន្ទីរសាធារណការនិងដឹកជញ្ជូនខេត្តបន្ទាយមានជ័យ នៅថ្ងៃទី៨ខែមីនាឆ្នាំ២០២១ បានចេសេចក្តីជូនដំណឹងមួយថា ៖ ” យោងតាមការណែនាំដ៏ខ្ពង់ខ្ពស់របស់សម្តេចប្រមុខរាជរដ្ឋាភិបាល និងឯកឧត្តមទេសរដ្ឋមន្ត្រី។ មន្ទីរសាធារណការ និងដឹកជញ្ជូនខេត្តបន្ទាយមានជ័យ សូមជម្រាបជូនដំណឹងដល់សាធារណៈជនមេត្តាជ្រាបថាៈ ការប្រឡង យកប័ណ្ណបើកបរយានយន្ត ត្រូវបានផ្អាកជាបណ្តោះអាសន្នរយៈពេល មួយសប្តាហ៍ ” ។គឺផ្អាកចាប់ពីថ្ងៃទី៩ខែមីនា នេះតទៅ រហូតដល់មានការជូនដំណឹងជាថ្មី ។ គឺដើម្បីចូលរួមទប់ស្កាត់ការរីករាលដាលនៃជំងែកូវីដ-១៩ ៕