[BTV] - មន្ទីរសាធារណការខេត្តឧត្តរមានជ័យ ចាប់ផ្តើមជួសជុលកំណាត់ផ្លូវជាតិសំខាន់ៗឡើងវិញ
2021-01-29
Go to the website published BTV
ឧត្តរមានជ័យ ៖ មន្ត្រីជំនាញមន្ទីរសាធារណការ និងដឹកជញ្ជូន ខេត្តឧត្តរមានជ័យ ចាប់ផ្តើមធ្វើការជួសជុល និងថែទាំ កំណាត់ផ្លូវជាតិសំខាន់ៗ ដែលរងការខូចខាតកន្លងមកឡើងវិញ ដើម្បីសម្រួលដល់ការធ្វើដំណើររបស់ប្រជាពលរដ្ឋ។
លោក ឈឿង ផល្លាង ប្រធានមន្ទីរសាធារណការ និងដឹកជញ្ជូន ខេត្តឧត្តរមានជ័យ បានឱ្យដឹងថា ការផ្តើមធ្វើការជួសជុលក្រាលកៅស៊ូកំណាត់ផ្លូវជាតិលេខ៦៨ ដែលទទួលរងការខូចខាតជាលក្ខណៈសំបុកមាន់នេះ គឺជាគម្រោងកញ្ចប់ថវិការបស់រដ្ឋទាំងស្រុង ដើម្បីកែលម្អសោភ័ណភាពផ្លូវ ឲ្យមានភាពល្អ ប្រសើរឡើងវិញ ងាយស្រួលក្នុងការធ្វើដំណើរប្រាស្រ័យទាក់ទងគ្នាពីតំបន់មួយទៅតំបន់មួយ។
លោក បានលើកឡើងថា ប្រទេសកម្ពុជា សព្វថ្ងៃ ក្រោមការដឹកនាំប្រកបដោយភាពឈ្លាសវៃ របស់ ប្រមុខថ្នាក់ដឹកនាំបច្ចុប្បន្ន បានធ្វើឲ្យប្រទេសជាតិមានសុខសន្តិភាព ស្ថិរភាពពេញលេញ ការអភិវឌ្ឍលើ គ្រប់វិស័យ ពិសេសគឺវិស័យប្រព័ន្ធហេដ្ឋារចនាសម្ព័ន្ធផ្លូវគមនាគមន៍ ចាប់ពីទីក្រុងរហូតដល់ទីជនបទដាច់ស្រយាល។
លោក បានបញ្ជាក់ថា ផ្លូវថ្នល់ គឺជាសរសៃឈាមមួយដ៏មានសារសំខាន់ សម្រាប់ប្រជាពលរដ្ឋធ្វើដំ ណើរដូច្នេះលោកបានអំពាវនាវដល់ពលរដ្ឋដែលបានប្រើប្រាស់យានយន្តទាំងអស់គ្រប់ប្រភេទ នៅលើដង ផ្លូវជាតិនោះ ត្រូវចេះគោរពច្បាប់ និងដឹកទំនិញមិនត្រូវលើសទម្ងន់ ដែលច្បាប់រដ្ឋបានកំណត់នោះឡើយ៕
